Marsala (vinu)

Lu Marsala è un vinu licurusu cu Dinominazzioni d'Orìggini Cuntrullata (D.O.C.) ca si produci 'n Sicilia, ntâ zona dû cumuni di Marsala e di parti dâ pruvincia di Trapani.

Materia prima

Li vigni e la racina a Marsala òccupanu l'80% di la ntera supirfici agraria utilizzata. Li tipi di racina usati pi fari lu vinu Marsala sunnu: Grillu, Catarattu, Nzolia, Damaschinu, Pignatellu calabbrisi, Nigrellu mascalisi e Niuru d'Àvula.

Tipi

Li tipi di vinu Marsala chi si prodùcinu sunnu:

Marsala Finu: un annu di nvecchiamentu e chiù di 17 gradi, vinu di dessert;
Marsala supiriuri: du' anni di nvecchiamentu e chiù di 18 gradi, vinu di fini manciari e di mitidazzioni;
Marsala supiriuri riserva: quattru anni di nvecchiamentu e chiù di 18 gradi, vinu di apiritivu, fini manciari e mitidazzioni;
Marsala Vèrgini Soleras: cincu anni di nvecchiamentu e chiù di 18 gradi (sulu 'n buttigghia),vinu di apiritivu, fini manciari e di mitidazzioni;
Marsala Vèrgini Soleras Stravecchiu e Marsala Vèrgini Soleras Riserva: armenu deci anni di nvecchiamentu e chiù di 18 gradi (sulu mbuttigghiatu), vinu di mitidazzioni.

Purtali di lu Vinu – Jiti a l'artìculi di Wikipedia supra lu Vinu.