Megghiu sulu ca malu accumpagnatu

Megghiu sulu ca malu accumpagnatu è nu pruverbiu di la tradizzioni linguìstica siciliana. Lu significatu di la sintenzia è: cchiuttostu ca stari ammenzu a genti tinti è megghiu starisinni suli, picchì lu tintu porta lu tintu.

Di taliari a rinforzu di chistu st'àutri pruverbi di la tradizzioni siciliana ca dìcinu Cui pràttica lu zoppu a l'annu zuppìa e Jùnciti ccu li megghiu di tia e facci li spisi ppi la vìa.

Citazzioni

Lu pruverbiu è citatu e spigatu ntî la Raccolta di proverbj siciliani ridutti in canzuni di l'abbati Santu Rapisarda.

	«  Cerca sempri truvari lu partitu d'aviri bona genti a lu tò latu, non accittari mai lu tristu invitu di qualchi picciuttuni scavigghiatu: e si poi pensi di fàriti zitu, cerca boni costumi, e parintatu; si no li trovi va fatti rimitu; megghiu sulu ca malu accumpagnatu  »
	( Raccolta di proverbj siciliani ridutti in canzuni )

Vuci cunzigghiati

• Pruverbi siciliani, nu veru granni alencu di pruverbi di la Sicilia.