Casteddu Ursinu

(Rinnirizzata di Museu Civicu (Catania))

Lu Castiddu Ursinu vinni fabbricatu a Catania ntô XII sèculu pi òrdini di Fidiricu I di Sicilia, sutta lu cumannu di l'architettu militari Riccardu dî Lintini; pâ custruzzioni si scigghiu na rocca ca s'affacciava sùpira û mari, mentri ca dâ latata dâ terra ferma ci vinni fattu nu granni fussatu, macari chistu jincutu d'acqua di mari, e nu ponti livatòiu cuntrullava la trasuta ntô casteddu.

Chianta dô Castiddu Ursino.
Lu casteddu Ursinu cum'è aoggi

La costruzzioni havi la furma quatrata e ogni latu e longu 63 metri, chî mura làrichi 3 metri; ci sunnu 4 turri, una pi ogni àngulu e, oltri a chissi, ci sunnu n'àutri dui turri cchiù nicareddi câ basi semicirculari, misi ntê lati di tramuntana e punenti.

Faceva parti di nu sistema di difisa dê Nurmanni, contra a li Saracini, ca cumprinneva li casteddi di Aci, Motta Sant'Anastasia, Paternò, Mustarijancu, e Adranu.

Prima di l'eruzzioni dô 1669 era supra lu mari. Duranti st'eruzzioni fu abbrazzatu dâ lava ca nun lu distrudìu. Oggi è distanti 2 km dô mari.