Né tònica fa mònacu, né cricca fa parrinu

Né tònica fa mònacu, né cricca fa parrinu è nu pruverbiu di la tradizzioni linguìstica siciliana. Lu significatu di la sintenzia è: nun judicari na pirsuna ppi lu sò aspettu fìsicu, nun aviri priggiudizzi siddu prima nun l'hà canusciutu. Stu pruverbiu ni pò fari capiri macari la tiurìa di l' umorismo di Luiggi Pirandellu ca jiva a taliari li pirsuna oltri l'apparenzi pruvannu a tràsiri nti la sò psiculuggìa.

Di taliari la rassumigghianza di furma e significatu ccu nu pruverbiu di la tradizzioni taliana ca dici L'abito non fa il monaco ("L'àbbitu nun fa lu mònacu") e ccu n'àutru di la stissa tradizzioni siciliana ca dici Nun è tuttu oru chiddu ca luci..

Citazzioni

Lu pruverbiu è citatu e spigatu nti la Raccolta di proverbj siciliani ridutti in canzuni di l'abbati Santu Rapisarda.

	«  Si guardi un omu d'aspettu platònicu, no lu chiamari talentu divinu, o si lu vidi sdignusu e virdònicu, nun giudicari chi sia un assassinu: lu primu sarrà forsi un malincònicu, malatu sarrà l'àutru, o assai mischinu, pirchì né la sula tònica fa mònicu, né la sìmplici cricca fa parrinu.  »
	( Raccolta di proverbj siciliani ridutti in canzuni )

Vuci cunzigghiati

• Pruverbi siciliani, nu veru granni alencu di pruverbi di la Sicilia.