Nun poi a lu sceccu e duni a lu varduni

Nun poi a lu sceccu e duni a lu varduni è nu pruverbiu di la tradizzioni linguìstica siciliana. Lu significatu di la sintenzia è: cui nun si po' vinnicari ccu cui nun po' si vìnnica ccu cui po' (lu varduni è ddu strummentu, tipu na speci di sedda, ca si metti a l'armali di càrricu).

Citazzioni

Lu pruverbiu è citatu e spigatu ntî la Raccolta di proverbj siciliani ridutti in canzuni di l'abbati Santu Rapisarda.

	«  Non putennu sfugari t'avvileni cc'un putenti e dispòticu patruni, mi pari amicu miu, ca non cunveni vastuniarci l'afflittu garzuni: cent'anni 'n corpu l'odiu si teni pri scacciari la testa a lu scursuni, diversamenti lu sai chi nni veni? Chi 'un poi a lu sceccu, e duni a lu varduni.  »
	( Raccolta di proverbj siciliani ridutti in canzuni )

Vuci cunzigghiati

• Pruverbi siciliani, nu veru granni alencu di pruverbi di la Sicilia.