Pantiddirìa (ìsula)

Pantiddirìa (o Pantiddarìa) è n'ìsula dû mari Meditirraniu chi s'attrova a 85 chilòmitri dâ Sicilia e a 70 dâ costa tunisina, ntô canali di Sicilia. Fa parti di la riggiuni Sicilia.

Lu nomu

Anticamenti lu nomu latinu di l'ìsula era Cossyra. Lu nomu attuali putissi dirivari di l'àrabbu "bent al-riah" (figghia di lu ventu).

Giografìa

Lu tirritoriu è d'orìggini vurcànica. Sunnu prisenti finòmini di vurcanismu secunnariu, privalintimenti acqua càuda e fumaroli. Lu puntu cchiù àutu di l'ìsula s'attrova in capu â Muntagna Granni, a 836 metri.

Ecunumìa

Lu turismu è una di l'attivitati chiù sviluppata nta l'ìsula. Mpurtanti puru la produzzioni di qualitati di vinu canusciuti cu lu nomu di Passitu di Pantiddirìa o di zibbibbu. Assai apprizzati sunnu li càppiri salati di Pantiddiria.