Petra pùmici
La petra pùmici è nnâ roccia vulcanica iffusìva, assai liggèra ppâ so' elevatìssima porosità. di culuri jancu–griciu e lucintizza sèrica. Li usi dâ petra pùmici sunnu assai vari. E' usata macinata comu abbrasivu pi livigari e lucidari màrmuri e mitalli o nta l'edilizzia pi priparari agglumirati artificiali leggi. E' usata comu prudòttu di iggieni e biddizza dû corpu pi livigari o pi puluzziari la piddi.
Pitruzzi di quarchi cintìmitru di diamitru si pònnu truvari facirmenti ntî spiaggi nun luntanu dî vurcani, comu 'n Sicilia. La pètra pùmici ntî nu primu mumentu galleggia ntî l'acqua, e speci doppu nu pirìudu di mari forti, ntê spiaggi assùmunu petri pòmici.
Li qualità dâ petra pùmici siciliana eranu ià vantati ntô mediuevu dî viaggiaturi àrabbi, comu pi esempiu Abu al-Hasan 'Alī al-Mas'ūdī.
La petra pùmici, ppi la so' porosità, è l'unica petra ca po' galliggiàri ntrâ l'acqua. Lu vulumi dû campiuni ha essiri pirò ncapu 5–7 cm³. Avìnnu nu pisu spicìficu supiriòri all'àcqua, la pùmici gallaggia basànnusi nâ so' struttura a celluli sferichi.
