Pruverbi catanisi
Sta vuci cunteni n'alencu di Pruverbi catanisi scrivuti ntî la parrata catanisi.
- 'A cira squagghia e 'u santu non camina.
- 'A jaddina fa l'ova e ô jaddu cci brucia 'u culu.
- Acqua cunsigghi e sali si non è spiatu non 'u rari.
- Ccu amici e ccu parenti, 'un accattari e 'un vìnniri nienti.
- Cu' campa vecchiu si fà.
- Cu' nesci, arrinesci.
- Cu' pava prima, mancia pisci fitusu.
- Cu' voli 'u spassu s'accatta 'a signa.
- Geniu fa biddizza.
- L’omu di mala cuscenza, comu òpira accussì penza.
- Lamèntiti si voi stari bonu.
- Lu sazziu nun cridi a lu dijunu.
- Non cci haju mancu sali di salera.
- Non sempri arriri 'a muggheri dô latru.
- Non si pò 'mmucciari 'u suli cô crìu.
- Ntâ codda ruppa ruppa cci va ntô menzu cu' non cci cuppa.
- Quannu l'amuri voli, trova locu.
- Quannu vìnciri non si pò si cecca 'a paci.
- Tali matri, tali fighia, va 'bbiassi ntâ larigghia.
- 'U fuìri è virgogna ma è savvamentu 'i vita.
- Omu di panza omu di sustanza.
- Cu' mancia cioppu appoi s'affuga.
- Nun cci haju mancu l'occhi pì ciànciri.
- Cu' cci havi culu, cunzìdira.
- Nun si può aviri 'a utti china, e 'a muggheri 'mbriaca.
- Non pò fari cchiù scuru di menzanotti.
- Cu' campa pava, e cu mori è cunnutu.
- Ju non cianciu 'a tumbulata, cianciu ca t'addicchi.
- Addiccari e disdiccari è sempri mali.
- 'U suggi ci dissi â nuci: dammi tempu ca ti pecciu.
- Cu' di sceccu ni fa mulu, 'u primu càuci è 'u so.
- Cu' nappi nappi di cassati 'i Pasqua.
- Pèssica e cirasa sunu frutti di staciuni.
- Fui fui, ca sempri cà t'aspettu.
- Tempu e malu tempu non po' durari sempre 'n tempu.
- Ammùttimi ca vaju, tìrimi ca vegnu.
- Nìuru cu nìuru non tingi!.
- Scupa nova scrusciu fa.
- Cu' suspira nun è cuntentu.
- Quannu 'u riàvulu accarizza voli l'anima.
- 'U rispettu è misuratu, cu' potta l'havi puttatu.
- I conna sunu comu i denti: dòlunu quannu nàsciunu, ma poi aggiùvunu ppi mangiari.
- Cu' ammazza 'm-poccu sta cuntentu n'annu, cu' si marita sta cuntentu nu jornu
- Cci rissi lu cunigghiu alla muntagna: l'omu ca si marita è na carogna.
- 'U oi pê conna, l'omu pâ parola.
- Mo nannu campau cent'anni picchì si fici sempri i cazzi so.
- Cu' prima non pensa, all'ultimo suspira.
- Amara 'a pècura c'hà dari 'a lana.
- Hai vogghia ca ti 'ntrizzi e fai cannola, 'u Santu è di màmmuru e nun suda.
- Megghiu oggi l'ovu, ca dumani 'a jaddina.
- I soddi fannu viriri all'orbi e fannu parari i muti.
- Jetta soddi ca 'a scimmia abballa.
- Cu' cancia 'a vecchia ccâ nova mali s'attrova.
- L'occhiu dô padruni 'ngrassa 'u cavaddu.
- Acqua e focu dacci locu
- Cu' appi focu campau, cu' appi pani murìu.
Vuci cunzigghiati
cancia- Pruverbiu, difinizzioni.
- Pruverbi siciliani, nu veru granni alencu di pruverbi di la Sicilia.
- Pruverbi nisseni, n'alencu di pruverbi scrivuti ntî la parrata nissena.
- Parimiuluggìa, la scienza ca studìa li pruverbi.