Psittaciformes

? Psittaciformes
Classificazzioni scintìfica
Duminiu: Eukaryota Suprafilu: Deuterostomia Filu: Chordata Suttafilu: Vertebrata Supraclassi: Tetrapoda Classi: Aves Òrdini: Psittaciformes Wagler 1830

Psittaciformes (WAGLER, 1830) è u nomu di n'òrdini d'aceḍḍi neurniti megghiu canusciuti comu pappajaḍḍi o pappagaḍḍi.

Nomu

'N sicilianu, l'armalu si chiama o pappagaḍḍu o pappajaḍḍu. Nun si sapi d'unni veni ssa parola, ma si penza ca u nomu urigginali, bayan, di urìggini malisa, avìa un valuri onumatupèicu. Passau appoi all'àrabbu babbaġā e di cca ô grecu bizzantinu παπαγᾶς papagâs, arrivannu 'n Europa ammiscànnusi câ parola latina gallus.

Carattirìstichi

I pappajaḍḍi ànnu u pizzu duru e ncurbatu, tantu forti ca po rùmpiri fàcili nuci e simenzi diversi.

I pedi sunnu zigudàttili, voli diri cu du' jìdita avanti e dui arreri. Sta particularità pirmetti a st'aceḍḍi di manijari uggetti cu assai pricisioni, purtannu u manciari â vucca o jucari. A sta majistrìa pi mòviri i cosi, si junci macari a lingua di l'armalu, assai musculusa e china di papiḍḍi. Certi speci ànnu a lingua pi sucari u nèttari dî chianti.

Aratinga solstitialis, aceḍḍu assai culuratu

Di sicuru una dî carattirìstichi cchiù ammintuvati dî Psittaciformes sunnu i culura dî pinni e dû chiumaggiu tuttu. Ma nun tutti i speci sunnu accussì culurati, comu i kea e kakapo.

U dimurfìsimu sissuali è assai scarsu e nun è fàcili capiri quali è u màsculu e quali a fìmmina. Ma ntê pappajaḍḍi dû gèniri Eclectus sta cosa mmeci si viji sùbbitu picchì u màsculu è virdi smiraudu, a fìmmina è russa-viola.

Eclectus roratus màsculu (chiḍḍu virdi) e fìmmina (chiḍḍa russa)

Tutti i Psittaciformes sunnu assai ntilliggenti e assai speci sunnu aḍḍivati comu armali di cumpagnìa, lijànnusi ô patruni unni jòcanu e pàrranu babbijannu a vuci dî genti o i sona chi sèntinu tutti i jorna.

Dieta

I Psittaciformes si nùtricanu suprattuttu di frutta, nuci, simenza, aggigghiatini e autri parti viggitali. Certi speci s'adattaru a manciari nzetti e armali morti quannu ncàpita. Autri sunnu spicializzati pi sustinìrisi a nèttari.

Classificazzioni e tassunumìa

I parenti cchiù stritti di Psittaciformes sunnu Passeriformes, tantu ca si jùncinu nzèmmula ntô cladi Psittacopasserae. I ristatini cchiù antichi di pappajaḍḍi su' di 20-23 miliuna d'anni arrè, e tutti di armali truvati ntô cuntinenti eurupeu.

Sicunnu a International Ornithologists' Union (2013) l'òrdini dî Psittaciformes àvi sti famigghi e gèniri:

Famigghia Strigopidae

• Nestor (3 spp.)
• Strigops (1 sp.)

Famigghia Cacatuidae

• Probosciger (1 sp.)
• Calyptorhynchus (5 spp.)
• Callocephalon (1 sp.)
• Eolophus (1 sp.)
• Lophochroa (1 sp.)
• Cacatua (11 spp.)
• Nymphicus (1 sp.)

Famigghia Psittaculidae

• Suttafamigghia Platycercinae
  • Tribbù Pezoporini
    • Gèniri Neopsephotus (1 sp.)
    • Gèniri Neophema (6 spp.)
    • Gèniri Pezoporus (3 spp.)
  • Tribbù Platycercini
    • Gèniri Prosopeia (3 spp.)
    • Gèniri Eunymphicus (2 spp.)
    • Gèniri Cyanoramphus (12 spp.)
    • Gèniri Platycercus (6 spp.)
    • Gèniri Barnardius (1 sp.)
    • Gèniri Purpureicephalus (1 sp.)
    • Gèniri Lathamus (1 sp.)
    • Gèniri Northiella (2 sp.)
    • Gèniri Psephotus (1 spp.)
    • Gèniri Psephotellus (4 sp.)
• Suttafamigghia Psittacellinae
  • Gèniri Psittacella (4 spp.)
• Suttafamigghia Loriinae
  • Tribbù Loriini
    • Gèniri Chalcopsitta (3 spp.)
    • Gèniri Eos (6 spp.)
    • Gèniri Pseudeos (2 sp.)
    • Gèniri Trichoglossus (13 spp.)
    • Gèniri Psitteuteles (3 spp.)
    • Gèniri Lorius (6 spp.)
    • Gèniri Phigys (1 sp.)
    • Gèniri Vini (5 spp.)
    • Gèniri Glossopsitta (1 spp.)
    • Gèniri Parvipsitta (2 spp.)
    • Gèniri Charmosyna (14 spp.)
    • Gèniri Oreopsittacus (1 sp.)
    • Gèniri Neopsittacus (2 spp.)
  • Tribbù Melopsittacini
    • Gèniri Melopsittacus (1 sp.)
  • Tribbù Cyclopsittini
    • Gèniri Cyclopsitta (2 spp.)
    • Gèniri Psittaculirostris (3 spp.)
• Suttafamigghia Agapornithinae
  • Gèniri Agapornis (9 spp.)
  • Gèniri Loriculus (14 spp.)
  • Gèniri Bolbopsittacus (1 sp.)
• Suttafamigghia Psittaculinae
  • Tribbù Polytelini
    • Gèniri Alisterus (3 spp.)
    • Gèniri Aprosmictus (2 spp.)
    • Gèniri Polytelis (3 spp.)
  • Tribbù Psittaculini
    • Gèniri Psittinus (1 sp.)
    • Gèniri Geoffroyus (3 spp.)
    • Gèniri Prioniturus (10 spp.)
    • Gèniri Tanygnathus (4 spp.)
    • Gèniri Eclectus (1 sp.)
    • Gèniri Psittacula (16 spp.)
    • Gèniri Lophopsittacus (1 sp.†)
    • Gèniri Necropsittacus (1 sp.†)
  • Tribbù Micropsittini
    • Gèniri Micropsitta (6 spp.)

Famigghia Psittacidae

• Suttafamigghia Psittacinae
  • Gèniri Psittacus (1 sp.)
  • Gèniri Poicephalus (10 spp.)
• Suttafamigghia Arinae
  • Gèniri Anodorhynchus (3 spp.)
  • Gèniri Cyanopsitta (1 sp.)
  • Gèniri Ara (9 spp.)
  • Gèniri Orthopsittaca (1 sp.)
  • Gèniri Primolius (3 spp.)
  • Gèniri Diopsittaca (1 sp.)
  • Gèniri Rhynchopsitta (2 spp.)
  • Gèniri Ognorhynchus (1 sp.)
  • Gèniri Guaruba (1 sp.)
  • Gèniri Aratinga (6 spp.)
  • Gèniri Eupsittula (5 spp.)
  • Gèniri Thectocercus (1 sp.)
  • Gèniri Psittacara (11 spp.)
  • Gèniri Leptosittaca (1 sp.)
  • Gèniri Conuropsis (1 sp.)
  • Gèniri Cyanoliseus (1 sp.)
  • Gèniri Pyrrhura (24 spp.)
  • Gèniri Enicognathus (2 spp.)
  • Gèniri Myiopsitta (1 sp.)
  • Gèniri Psilopsiagon (2 spp.)
  • Gèniri Bolborhynchus (3 spp.)
  • Gèniri Forpus (7 spp.)
  • Gèniri Brotogeris (8 spp.)
  • Gèniri Nannopsittaca (2 spp.)
  • Gèniri Touit (8 spp.)
  • Gèniri Pionites (2 spp.)
  • Gèniri Pyrilia (7 spp.)
  • Gèniri Pionopsitta (1 sp.)
  • Gèniri Hapalopsittaca (4 spp.)
  • Gèniri Alipiopsitta (1 spp.)
  • Gèniri Graydidascalus (1 spp.)
  • Gèniri Pionus (8 spp.)
  • Gèniri Amazona (32 spp.)
  • Gèniri Deroptyus (1 sp.)
  • Gèniri Triclaria (1 sp.)

Storia e arti

U pappajaḍḍu, nta l'Età Minzana, era sìmmulu di purizza e unu dî sìmmuli dâ Madonna, picchì si pinzava ca sapìa diri Ave comu dissi l'Arcàncilu Gabbrieli â matri dû Cristu.

Si sapi grazzi a un ducumentu cu tutta a mmàggini ca un pappajaḍḍu, pi èssiri pricisi un cacatua, era parti dâ cullizzioni di Fridiricu II di Svevia.