Oryza sativa
(Rinnirizzata di Risu (chianta))
La Oryza sativa (chiamata "risu" 'n Sicilia) è na chianta ervàcia annuali dâ famigghia dî Graminacee. E' na chianta veru diffusa nta tuttu lu munnu, d'orìggini urientali, ca veni cultivata n turrena cuperti di nu stratu d’acqua e pruduci unu dî ciriali funnamintali pi l’alimintazzioni umana. Sta chianta ci havi lu stelu suttili e cavu, li fogghi liniari e nciuriscenzi a pannocchia raggruppati n spichetti ca, quannu matùranu, hannu comu fruttu nummurusi cariòssidi ricchi di àmidu.
