Rapi lu menu principali
Roy Paci duranti nu cuncertu.

Rosario (Roy) Paci (Augusta, 16 di sittèmmiru di 1969) è un trummittista, cumpusituri e arranciaturi sicilianu.

BiografìaCancia

Havi sunatu nizziarmenti cu li Mau Mau, cu li quali havi arriggistratu quattru arbum, carattirizzati di l'usu di strumenti e d’un linguaggiu pupulari e ncintrati supra stori di puvirtati e perifirìi urbani.

Ntô 1998 cu li Zu, gruppu musicali d’avanguardia, havi arriggistratu l'album Bromio.

Havi appoi cullabburatu cu Manu Chao pi lu discu Próxima Estación Esperanza e pi na sò tourneè.

‘N sèquitu havi funnatu li Aretuska (di Aretusa, la famusa fonti, didicata a la dea greca, ntî l’ìsula di Ortigia a Siracusa), gruppu musicali ch’irunizza supra li stereòtipi dâ mafia ammiscannu diversi gèniri musicali.

Happi tantìssimi cullabburazzioni cu musicisti nazziunali e straneri tra li quali Manu Chao, Pascal Comelade, Ivano Fossati, Piero Pelù, Samuele Bersani, Teresa De Sio, Subsonica, Tonino Carotone, Nicola Arigliano, Daniele Sepe, Luca Barbarossa, Vinicio Capossela, Macaco, Mau Mau, Africa Unite, Persiana Jones, Radici nel cemento, Il parto delle nuvole pesanti, 99 Posse, Arpioni, Negrita, Jovanotti, Caparezza, Mike Patton.

Ntô 1998 havi nortri funnatu n'etichetta nnipinnenti, Etnagigante, pi dari spazziu a novi gruppi siciliani (e â spirienza cu li Banda Ionica).

Ntô 2005 havi curatu la culonna sunora dâ trasmissioni Markette di Piero Chiambretti (nta cui happi macari na sò rùbrica còmica nica) mentri ntô 2006 è òspiti fissu, nzèmmula â band Aretuska, dâ trasmissioni còmica Zelig Circus, ‘n unna supra Canale 5, di cui havi cumpunutu la sigla.

Ntâ primavera 2007 pùbbrica l'album SuoNoGlobal, siquitu dû sìngulu Toda joia toda belleza (feat. Manu Chao).

DiscugrafìaCancia

AlbumCancia

  • 2002 - Baciamo le mani cu Aretuska
  • 2003 - Tuttapposto cu Aretuska, cu 4 canzuni n sicilianu
  • 2005 - Parola d'onore cu Aretuska
  • 2005 - Wei Wu Wei chê Corleone
  • 2007 - SuoNoGlobal cu Aretuska

SìnguliCancia

  • 2002 - Cantu Siciliano
  • 2002 - The Duse
  • 2003 - Besame Mucho
  • 2003 - Yettaboom
  • 2006 - Viva la vida
  • 2007 - Toda joia toda beleza (feat. Manu Chao)

CullabburazzioniCancia

Liami nterniCancia

Culligamenti sterniCancia