Sàtiru danzanti

Lu Sàtiru Danzanti è na statua di bronzu dû piriudu ellinìsticu, prubabbirmenti lu IV sèculu a.C., e jè attribbuiuta ô sculturi grecu Prassiteli. Rapprisenta nu silenu, dimoniu chi fa parti dû curteu orgiàsticu dû diu grecu Dionisu. È àutu quarchi 2,5 metri e jè uspitatu nnî l'omònimu museu di Mazzara, ntâ Sicilia uccidintali.

Lu sàtiru danzanti di Mazzara

Lu ritrovamentu

Lu sàtiru danzanti subbitu dopu lu ritrovamentu

La storia dû ritrovamentu dâ statua accuminza ntô 1997, quannu lu pischirecciu "Capitan Ciccio", appartinenti â frotta marinara di Mazzara, pisca casuarmenti dû funnu dû Canali di Sicilia na gamma di bronzu. Ntâ notti ntra lu 4 e lu 5 di marzu dû 1998 lu stissu pischirecciu pisca â stissa banna, nta na prufunnità di 500 metri, la statua, ca jè purtroppu senza nu vrazzu, e la duna ô Museu Cìvicu cittadinu. Ntô sittèmmiru dû 1998 l'Istitutu Cintrali pû Ristàuru di Roma pigghia in cunsigna la statua e la gamma.

Di eccizziunali fattura, la statua appi nu successu granni quannu fu ammustrata â fini dû ristàuru, ntô 2003, â Camera dî diputati e, ntô 2005, quannu fu pristata all'espusizzioni ntirnazziunali di Aichi, ntô Giappuni. Ora jè misa ppi mustra nnâ l'ex Chiesa di S.Eggidiu, addivintata Museu dû Sàtiru.

Pi sapìrinni cchiossai

• Istitutu Cintrali pû Ristàuru - Lu Sàtiru Danzanti