Sant'Elia di Enna

Elia lu Novu di Enna (Enna versu lu 822-823 - Saluniccu 17 di austu dû 903) è nu Santu viniratu da Chiesia Cattolica e Ortudossa.

Sant’Elia e Filaretu Icona du Monasteriu Ortodossu di Siminara( RC ), 2005

Aggiografìa

Sant’Elia nasciu a Enna da nobili famigha Rachitis. Fu chiamatu lu Novu pi distinguillu du granni prufeta. Quannu era ancora picciutteddu fu pigghiatu e vinnutu comu schiavu ‘n Tunisia; doppu ca fu libbiratu si fici monacu a Gerusalemmi pi manu du Patriarca. Visitò tutta la Palistina e lu Munti Sinai, unni stetti tri anni nò Monasteriu di Santa Catarina. Si nni ju poi a Alissandria, in Persia, a Antiochia e ‘n Africa. Turnau a Palermu pi rividiri a vecchia matri e poi a Taurmina unni s’accumpagnò cu Danieli, n’autru monacu. Fici na sosta a Sparta no Monasteriu di Santi Cosimu e Damianu e quindi na Grecia. Cà foru misi ‘n carciri. Libirati si nni eru a Corfù e poi ‘n Calabria na zona di Salini, vicinu a Siminara (RC). Passannu di Reggiu Elia prididissi a un parrinu ca avia addivintari Viscuvu e accussì fu. Si nni ju a Roma pi visitari i sapurchi di Santi Petru e Paulu. La so pridicazini e li so miraculi arrivaru e aricchi du Mpiraturi Liuni VI dittu lu Filosufu, ca lu mmitau a Custantinopuli. Ma arrivatu a Saluniccu muriu lu 17 di austu dû 904.

Li Riliqui

Lu corpu fu purtatu du discipulu Danieli e Salini, vicinu Siminara, unni fu sippillutu na Chiesia du Monasteru ca dui seculi dopu fu chiamatu di Santi Elia e Filaretu. Dà ebbi cultu pubblicu finu a fini du seculu XVIII, quannu lu Monasteru fu abbattutu. Na Riliquia si trova a Siminara (RC), unni c’era un Monasteru grecu ‘ntitulatu a iddu e a Testa na Cresia Culligiata di Siminara, unni no 2005 fu costruita na Chiesia Ortodossa ‘ntitulata e Santi Elia e Filaretu. Ci stannu monache Ortodosse.

Bibbliografìa

• Giuseppe Rossi Taibbi, Vita di sant'Elia il Giovane Ist. Siciliano Studi bizantini e neoellenici, Palermu,1962