Salvatore Aldisio
Salvatore Aldisio (Gela, 29 di dicèmmiru 1890 – Roma, 27 di giugnettu 1964) hà statu nu puliticu talianu e àutu cummissariu pâ Sicilia.
 |
|||
| Àutu cummissariu pâ Sicilia | |||
|---|---|---|---|
| Durata mannatu | 23 di giugnettu 1944 – 15 di marzu 1946 | ||
| Pridicissuri | Francesco Musotto | ||
| Succissuri | Iginio Coffari | ||
| Ministru dâ marina mircantili | |||
| Durata mannatu | 14 di giugnettu 1946 - 1° di giugnu 1947 | ||
| Pridicissuri | Raffaele De Courten | ||
| Succissuri | Paolo Cappa | ||
| Ministru dû Nternu | |||
| Durata mannatu | 22 di aprili - 18 di giugnu 1944 | ||
| Pridicissuri | Vito Reale | ||
| Succissuri | Ivanoe Bonomi | ||
| Ministru dî travagghi pubbrici | |||
| Durata mannatu | 27 di jinnaru 1950 - 7 di giugnettu 1953 | ||
| Pridicissuri | Umberto Tupini | ||
| Succissuri | Giuseppe Spataro | ||
| Dati ginirali | |||
| Partitu puliticu | Dimucrazzìa Cristiana | ||
| Titolu di studiu | laurea Template:WikidataQ | ||
Biografìa
canciaNatu a Gela, ntâ Pruvincia di Caltanissetta, da na famigghia binistanti burghisi, trasi picciutteddu tra li fila di lu Muvimentu Cattòlicu. Appi la sò furmazzioni culturali 'n cuntattu macari cu la pristiggiusa pirsunalitati pulitica di Luigi Sturzo. Nnô 1906 eni prisirenti di lu circulu jiuvanili dimucraticu cristiana dâ citati natali e diritturi di lu fogghiu lucali, Lu garofanu biancu. Finuti li studi classici è suttatinenti di fantiria nta la guerra di Libia e capitanu nta la I guerra munniali, si laurìa 'n giurisprudenza[1][2].
Attivitati pulìtica
canciaNnû primu dopu guerra diveni sicritariu pruvinciali di lu Partitu Pupulari Italianu di Caltanissetta, e nni l'Elizzioni pulitichi italiani dû 1921 veni eliggiutu a la camira nnî listi di lu PPI. Comu diputatu prisintau nu pruggettu di liggi nnirizzatu ô frazionamentu e culunizzazioni dû latifunnu chi jiava ntâ dirizioni dâ furmazzioni di la nica pruprietati cuntadina. È elettu nnô 1924 ppi la XXVII liggislatura, ma nnû 1926 dicadi da lu mannattu parramintari p'aviri pigghiatu parti a la prutesta avintiniana.
Duranti lu vintenniu fascista s'arritirau a Gela, d'unni s'uccupau di la sò azzienna agricula. Cu la libbirazioni di la Sicilia (1943), si mpignau nta na pruspittiva unitaria, antisiparatista e antifascista. Fu tra chiddi ca jittaru li funnnamenta di la Dimucrazzìa Cristiana 'n Sicilia, tinennu a Caltanissetta lu sò primu cungrissu riggiunali. Prifittu di Caltanissetta nnô marzu 1944, è numinatu Ministru dû Nternu nnô II guvernu Badoglio. Comu ministru si mpigna pi livari a li nnipinnintisti li amministrazzioni lucali da chisti cuntrullati. Nta lu giugnettu di lu stissu annu veni numinatu Àutu cummissariu pâ Sicilia, sustituennu Francesco Musotto, e cu stu 'ncaricu c'agisci pi svacantari lu finòminu siparatista a lu sustegnu di n'autunumia riggiunali. A la fini di lu 1944 duna nutizzia di vuliri istituiri l'Assimbrea Riggiunali Siciliana, e nnû 1945 istituiu la Cunsulta riggiunali siciliana, c'avìa lu compitu di ridiggiri lu Statutu d'autonumìa sicilianu.
Elettu diputatu a la Custituenti nnô 1946 è macari Ministru dâ marina mircantili nnû II guvernu De Gasperi[1][2]. Sinaturi di dirittu nta la I liggislatura, hà statu elettu diputatu nta li succissivi II, III e IV liggislatura. Veni numinatu Ministru dî travagghi pubbrici nta lu guvernu De Gasperi (VI-VII) e Ministru dâ nnustria e cummerciu nnô Guvernu Fanfani I[3]. È macari prisirenti dâ Cunfidirazzioni Cuupirativi Italiane. Mori a Roma lu 27 di giugnettu 1964[2].