San Giuseppi Maria Tumasi
San Giuseppi Maria Tumasi (Licata 12 di sittèmmiru 1649 - Roma 1 di jinnaru 1713) fu un cardinali talianu e un Santu da Cresia Cattolica.
Aggiografìa
canciaFighu di Don Giuliu e Rusulia Traina, Principi di Lampedusa e Duchi di Parma di Muntichiaru, fu educatu pi trasiri a Curti du re di Spagna, ma poi decisi, su cunsigghiu di sò ziu Carru di farisi parrinu tiatinu. Ebbi puru tri soru monachi no Monasteriu di San Binidittu di Parma di Muntichiaru: Francisca ( Soru Serafica ); Sabella ( Soru Crucifissa ); Antonia ( Soru Maddalena). Ca soru Sabella si ‘ntrattinia a scriviri i cosi di Diu. Fu Noviziu a Palermu na Cresia di San Giuseppi di Patri Tiatini no 1665. Studiò a Roma , Ferrara e Modena lingui classichi e urientali. No 1673 fu fattu parrinu. Sapìa leggiri e scriviri u grecu, u latinu e l’ebraicu. Scrissi tanti opiri liturgichi , biblichi e tiulogichi. Cunfessuri du Papa Clementi XI fu fattu Cardinali, ma arristò sempri na pirsuna umili. Si stabilì nà Cresia di San Martinu e Munti e priava chi frati carmilitani, ‘nsignava u Catechisimu, pridicava e cunfurtava. Fu chiamatu “ U Principi di Liturgisti Rumani “ e ricanusciutu comu pricursuri du rinnovamentu liturgicu du Cunciliu Vaticanu II. Di so studi arrestanu dudici volumi. Dicia na cosa ca vali pi tutti i tempi: “ Si u pani basta du voti o jornu, a pacenzia bisogna avilla centu voti l’ura ! ” . Muriu a Roma u 1 Jnnaru 1713. Fu biatificatu du Papa Piu VIII u 29 settemmiri 1803 e fattu Santu u 12 Uttuviri 1986 du Papa Giuvanni Paulu II. A sò Festa è u 3 di Jnnaru.
Riliqui
canciaLu Corpu fu purtatu na Cresia di Santi Silvestru e Martinu e Munti no 1804, unni arristaru na pocu di Riliqui, poi no 1971 fu traspurtatu na Cresia di S. Andria da Valli. Autri Riliquii sunnu a Turretta (PA ) e a Parma di Muntichiaru ( AG ).