Sant'Àncilu di Girusalemmi
Sant'Àncilu di Girusalemmi (o di Sicilia), màrtiri, carmilitanu, (Girusalemmi, 1185 - Licata, 5 di maiu 1220) nasci a Girusalemmi nû 1185, di na famigghia ebbrea cunvirtita ô cristianèsimu.
La vita
canciaA 25 anni addivintau parrinu e nû 1218 vinni ncaricatu di jirisinni a Roma ppi llustrari e aviri dû papa Onoriu III la cunferma dâ nova e difinitiva rèula dû Carmelu.
Di ddocu, Àncilu fu mannatu 'n Sicilia ppi pridicari contr'â diffusioni dû "catarìsimu" ni l'ìsula.
A Licata (Girgenti) si scuntrò ccu un signurottu lucali, un certu Berengariu, ca secunnu l'agogiografii oltri a èssiri nu cataru ustinatu, campava nta l'incestu; Àncilu cumminci la cumpagna di st'òminu a lassàrilu e Berengariu, nfuriatu, assajia lu parrinu mentri ca prèdica nnâ crèsia di SS. Filippu e Giacumu, firènnulu a morti, ccu cincu corpi di spata. Àncilu veni trasportatu intra na casa vicina di li fideli, unni quattru jorna doppu, lu 5 di maiu 1220, mori pê firiti, addumannannu a l'abbitanti e a li fideli di Licata di pirdunari a l'assassinu.
Vinni vurricatu nnâ stissa crèsia di unni fu firitu e lu sò sipolcru addivintau sùbbitu meta di pilligrinaggiu.
L'Òrdini Carmilitanu lu vènira comu un santu armenu dô 1456 e lu papa Piu II (1405-1464) appruvau lu sò cultu. La sò festa si cèlibbra lu 5 di maiu.