Schèlitru (umanu)

Lu schelitru umanu è furmatu du dui tipi di tissuti cunnittivu (tissutu òssiu e tissutu cartilagginiu dittu macari cannedda ) e svorgi diversi funzioni:

• funzioni di sustegnu,
• funzioni di prutizziuni di l'organi nterni,
• cunsentu lu muvimentu (nfatti suora a l'ossa si nsirisciunu li musculi vuluntari ca cunsentunu lu muvimentu),
• è na riserva di càuciu (lu principali custituenti di l'ossa) e nterveni ntâ rigulazziuni dâ carcimìa libbirannu ioni Ca++ sutta a l'azziuni di assai fatturi (asèmpiu l'urmoni paraturmuna e tireucarcitunina),
• ntirveni ntâ pruduzziuni di l'elimenti raffigurati dû sangu picchì cunteni lu tissutu mielòidi o midollu russu.

Cumpusizziuni di l'ossa

L'ossu è fattu di:

• 26,82% sustanza urgànica ditta ussiìna,
• 55,28% sustanza no-urgànica ca cumprenni
  • 83,89-85,90% fusfatu di càuciu,
  • 9,06-11,00% carbunatu di càuciu,
  • 1,04-1,84% fusfatu di magnèsiu,
  • 3,20-0,70% fluoruru di càuciu,
• 17% acqua .

Struttura e furma di l'ossa

Secunnu â furma si ponnu distinguiri tri tipi di ossa:

• ossa longhi, ca sunnu chiddi unni la lunghizza privali supra l'àutri diminziuni e unni la parti minzana è ditta diafasi (è fatta di ossu cumpattu ca circonda nu canali cintrali dittu cavita meduddara cuntinenti medudda ôssia), mentri l'estremitati sunnu ditti epifisi e sunnu fatti di ossu spugnusu dilimitatu di nu finu stratu di ossu cumpattu (ntra li picciuliddi e ntra li giuvani, la diafisi e l'epifisi sunnu siparati tra iddi di nu stratu di cartilaggini ditta cartilaggini epifisaria chi pirmetti l'accrescimentu di l'ossa) e fòrmanu la reggiuni di l'ossu ditta metafisi;
• ossa chiatti, ca sunnu chiddi unni la lunghizza e la larghizza cu valuri sìmili tra iddi privàlanu supra la prufunnità di arcuni asèmpî di ossa chiatti sunnu l'ossa iliachi e l'ossa crànichi (l'ossa crànichi, n particulari, sunnu fatti di ossu cumpattu ntra la supirfici nterna e ntra chidda esterna mentri a lu nternu c'è ossu spugnusu dittu diploe);
• ossa curti, ca sunnu chiddi unni li tri dimensiuni spazziali hannu valuri simili.

Disposizziuna di l'ossa

Schelitru assile:

• ntâ crozza (25 ossa),
  • cràniu [fruntali, uccipitali, sfenoidi, etmoidi, dui parietali e dui timpurali],
  • facci [dui ossa nasali, dui palatini, dui masciddari, dui curnetti nfiriuri, nu vomeri e n'ossu mandibbulari],
  • aricchia [marteddu, ncudini e staffa],
• lu ioidi (32-33 ossa),
  • 7 vertibbri cirvicali,
  • 12 vertibbri turacichi,
  • 5 vertibbri lumbari,
  • 5 vertibbri sacrali,
  • 3-4 vertibbri cocciggei junciuti ntra f'iddi,
• e lu sternu (24 ossa),
  • costuli veri (1°- 7°),
  • costuli farsi (8°- 10°),
  • costuli fluttuanti (11° e 12°).

Scheletru appindiculari:

• cintu supiriuri [scapula e clavicula],
• arti supiriuri (30 ossa)
  • omeru,
  • radiu,
  • ulna,
  • carpu [1°fila - trapèzziu, trapeziuidi, capitatu e uncinatu; 2°fila - scafuida, semilunara, piramidala e pirifurma],
  • 5 ossa dô metacarpu,
  • 5 falangi,
  • 4 falangini,
  • 5 falangetti,
• cintu nfiriuri [ileu, ischiu e pube junciuti assemi],
• arti nfiriuri (30 ossa)
  • fèmuri,
  • tìbbia,
  • peruni,
  • rotula,
  • tarsu [carcagnu, astragalu o talu, naviculara, cuboida, cubuida I, II e III],
  • 5 ossa dô metatarsu,
  • 5 falangi,
  • 4 falangini,
  • 5 falangetti.

Vuci currilati

• Datazziuni cu lu radiucarboniu 14