Silvia Salemi, nata a Palazzolu Acreidi (SR), lu 2 di aprili di 1978, è na cantanti siciliana.

Biografía cancia

Ntô 1995 vinci lu Festival di Castrocaro cu Con questo sentimento. Nta l'autunnu dû midèsimu annu partècipa a chiddu di Sanremo Giovani prupunennu na cover dâ canzuna Nessuno mi può giudicare di Caterina Caselli. Ntèrprita stu branu nta na virsioni muderna e urigginali, ca ci pirmetti di participari ntô 1996 a lu Festival di Sanremu ntâ sezzioni Nuove Proposte cû branu Quando il cuore. Utteni un sudisfacenti quintu postu e pùbbrica lu sò primu arbum, ntitulatu smpricimenti Silvia Salemi.

Ntô 1997 è di novu a Sanremu apprudannu tra li Big cu la canzuna A casa di Luca; chista riscoti un bon successu di crìtica e di pùbbricu. Ntô stissu annu agghica secunna a Un disco per l'estate cu Stai con me stanotte e ci havi l'onuri di fari di supporter â data rumana dû gruppu scuzzisi Simple Minds.

Torna a lu Festival di Sanremu ntô 1998 cu Pathos, branu nta cui si fùnninu sunuritati urientali e dû megghiu rock talianu, scritta doppu un viaggiu ‘n Tibet. Accianca nortri ntô stissu annu Pippo Baudo ntâ cunnuzzioni dâ trasmissioni Il gran ballo delle debuttanti.

Ntô 2000 nesci lu quartu album L'arancia, ntroduttu dû sìngulu La parola amore, lu cui vìdiu la vidi nta na nèdita svota sexy.

Ntô 2003 partècipa pi la terza vota ô Festival di Sanremu cu Nel cuore delle donne, canzuna ‘n puru stili Fiorella Mannoia, fatta di palori veri sintuti supra la sò peddi e custruiuta supra na miludìa sìmprici, cu picca accordi.

Ntô 2004 havi participatu a lu reality show Music Farm.

Lu 4 di maiu di 2007 è privista la nisciuta dû novu album di nèditi, lu sestu dâ sò carrera, anticipatu dû sìngulu Il Mutevole Abitante Del Mio Solito Involucro lu cui vìdiu havi statu giratu a Orvieto di Giuseppe Fiorello.

Discugrafìa cancia

  • 1996 - Silvia Salemi
  • 1997 - Caotica
  • 1998 - Pathos
  • 2000 - L`arancia
  • 2003 - Gioco del Duende
  • 2007 - Il mutevole abitante del mio solito involucro

Liami nterni cancia