Giuseppi La Delfa

Giuseppi La Delfa, jurnalista pubbricista, pueta 'n lingua siciliana e taliana, scritturi, drammaturgu e riggista pi passatempu, nascìu a Àsaru lu 14 di giugnu 1944, di patri liunfurtisi e matri catanisa. Sta di casa a Sarausa di quarchi 44 anni, ma pi li so' tanti ntiressi, si movi cuntinuamenti ntra Catania, Sirausa e Milanu.

Havi na làuria 'n Scenzi di la furmazzioni cu na Tesi supra a la Puitessa Alda Merini.
Hà fattu novi pubblicazzioni e n'àutra sta pi èssiri stampata, spartuti 'n puisìi, cunti, saggistica siciliana, antuluggìi e rivisti 'n cullabburazioni cu assuciazzioni culturali sarausani, catanisi e rumani. Hà participatu a assai cuncorsi littirari e, 'n quarant'anni, hà avutu tanti ricunuscimenti.

Zoccu hannu dittu d'iddu

G. Barlotta: «passa di la puisìa a lu tiatru, iddu stissu attori e riggista, ammustra lu sò èssiri sicilianu puru, sinceramenti e prufunnamenti nnamuratu di la sò terra.»;
I. Buttitta «è quattru voti pueta, zoè di l'A a la Z e comu granni mèritu havi chiddu d'aviri fattu canusciri a lu munnu li Pruverbi siciliani traduciuti 'n quattru lingui.»;
S. Correnti: «arrinnuvannu li fasti di scritturi siciliani comu Luigi Capuana e Ninu Martogliu, fà rivìviri nti sta sò brillanti òpira tutta na sèrii di “tipi paisani” traspunennu nti sta sò prigevuli raccolta tuttu l’amuri ca iddu giustamenti havi pi la nostra bedda ìsula di Sicilia».

Asèmpiu dâ sò puisìa

Pinzeri

Cu camina attruppica

L'acqua ca curri nun viri 'i stiddi.

Cu camina si scorda 'i fastorni,

E cu si ferma, si metti a sunnari.

Lijami di fora

Situ ufficiali di Giuseppi La Delfa