Għar Dalam

Għar Dalam (prununziata 'n lingua maltisa ar dàlam ca significa Grutta dâ Scurizza) è na straurdinaria grutta preistòrica ca cunteni li resti di ossa di armàli ca arristanu ncagghiati a Malta e ca doppu si jènu a scumpariri â fini di l'Etati Glaciali. Hana hà statu attruvati cumuli di ossa di elifanti nani, ippupòtimi, cervi e ursi ca risalunu a diversi èbbichi; li ippupòtimi si jènu a scumpàriri quasi 180.000 anni oi, mentri li spèci di cervi scumparènu quasi 18.000 anni oi. Fu inoltri ccà ca fu scuprutu lu primu nsidiamentu di òmini a Malta, ca risali a quasi 7.400 anni oi.

La grutta fu studiata pâ prima vòta ntô 1885, ma nun vinni aperta nzinu ô 1933, e inoltri fu addupirata comu riparu anti-bummardamenti ntâ Secunna Guerra Munniali. Ntô 1980, li riperti cchiù mpurtanti e irriparabbili - zoè quattru zanni di elifanti nani e lu craniu di 'n picciriddu dû Niuliticu -- purtroppu fònu rubbàti dû museu.

La grutta è funnuta 150 metri, ma sulu li primi 50 metri sunu aperti ê turisti. Lu museu, ca ancora havi na nutivuli ricchizza di ritruvamenti, da li ossa di l'armàli ê manufatti di l'òmini, s'attrova all'intrata dâ zona.