Straggi di via d'Amèliu
La straggi di via d'Amèliu fu n'attintatu mafiusu ca appi la sò svota lu pumiriggiu di lu 19 di giugnettu 1992 a Palermu unni mòrsuru lu judici antimafiusu Pàulu Bursillinu e la sò scorta. L'attintatu sècuta di dù misi la straggi di Capaci, unni fu ammeci ammazzatu lu judici Giuvanni Farcuni, facènnu di chissu unu di li mumènti chiù traggichi di la lutta a la mafia.
Lu scòppiu, succidutu n via Mariano d'Amelio unni campava la matri di Bursillinu e unni lu judici si n'avìa jutu pì visita, accadìu pì na Fiat 126 ca cuntinèva 100 chila di tritòlu.
Sicunnu di li guardia di la scorta, la via era na strata piriculusa, tantu ca avìanu già spiatu a lu cumuni di Palermu di luvari pì sicurizza li machini frèmmi sutta a la casa, spiata ca nun fu pirò cunziddirata.
Ortri di Pàulu Bursillinu mòrsuru li guardia di scorta Agostino Catalano (capuscòrta), Emanuela Loi (prima fìmmina a fàciri parti di na scòrta e a mòriri ntî lu sirvizziu), Vincenzo Li Muli, Walter Eddie Cosina e Claudio Traina. L'ùnicu a ristari n vita è Antonio Vullo, arrusvigghiatusi ntî lu spitalu doppu di lu scòppiu, n cunnizziuna assai critichi. La bumma fu cumannata tràmiti di radiu, ma nun s'havi ancora caputa bona l'urganizzazzioni di la straggi, macari sìddu lu judici sapìa di nu carricu di bummi agghicatu a Palermu propria pì sìri usatu contra d'iddu. Si pènza ca lu ditunaturi ca purtau a lu scòppiu fu mungiutu dû Casteddu Utveggiu.
Doppu di l'attintatu, l'"aggènna russa" di Bursillinu, aggènna ca lu judici purtava sèmpri d'appressu a iddu e unni singava li dati di l'appurati, nun vinni attruvata. Ntî lu lòcu di l'attintatu arrivau subbitaniu lu diputatu e ex-judici Giuseppe Ayala, chi stava ammèri dda.[1]
Bibbliugrafìa
cancia- Maurizio Torrealta, Antonio Ingroia, La trattativa. Mafia e stato: un dialogo a colpi di bombe, Editori riuniti, 2002
- Rizza Sandra Lo Bianco Giuseppe, L' agenda rossa di Paolo Borsellino, editore Chiarelettere, 2007 (collana Reverse).