Utenti:Zoologo/Proboscidea

? {{{name}}}
Classificazzioni scintìfica
Filu: Chordata

Li prubbuscidei (dû latinu proboscis, dû grecu anticu προβοσκίς/ proboskís lu "truncu di l'alifanti") è n'Òrdini di mammìfiri afruteri ca cunteni na sula famigghia viventi, l'Elefantidi, e tanti famigghi estinti. Discrittu pâ prima vota di J. Illiger ntô 1811, cumprenni l'alifanti di oji e li so parenti cchiù vicini. A pàrtiri dâ mità dû Miuceni 'n avanti, la majurìa dî prubbuscidei avìunu tuccatu grannizzi seri. Lu mammìfiru tirrestri cchiù granni di tutti li tempi capaci ca è nu prubbuscideu; Palaeoloxodon namadicus arrivau a n'autizza â spaḍḍâ di 5,2 metri e putìa arrivari a nu pisu di 22 tunnillati, quasi lu duppiu dû pisu di quarchi sauròpudu, comu lu Diplodocus carnegii . Lu prubbuscideu cchiù granni ca esisti oggi è l' alifanti dâ savana africana (Loxodonta africana), cu 4 metri d'autizza â spaḍḍa e un pisu di 10,4 tunnillati.

Accamora su' arricanusciuti tri speci d' alifanti : l' alifanti di savana africanu, l' alifanti di furesta africanu e l' alifanti asiaticu . L'Elifantidi sunnu l'unica famigghia supravissuta di l'Òrdini dî Proboscidea; ntra li mèmmira estinti cci su': li mastudunti, li gonfuteri e li stegudunti . La famigghia Elephantidae nchiuji puru tanti gruppi estinti, comu li mammut e l'alifanti cu li zanni dritti . Li carattirìstichi distintivi dî prubbuscidei sunnu: na prubbòscidi, zanni longhi e arti culunnari. Quarchi speci è puru dutata di auricchi granni. La peḍḍi di st'armali è spissu senza pila, rùvida e dura; autri, comu lu mammut lanusu, mmeci avìanu na manta di lana. La prubbòscidi di l'alifanti si furma partennu dâ fusioni dû mussu di supra chî naschi, e è cumpostu sanu sanu di un fasciu di mùscula. La prubbòscidi nta l'alifanti è usata pi rispirari, purtari manciari e acqua ntâ vucca, pigghiari l'uggetti e comu strumentu tàttili. Li zanni, ca nun sunnu autru ca palitti suprasbiluppati, sèrbinu sia comu armi ca comu strumenti pi spustari l'uggetti e scavari. L'auricchi granni ajùtanu a mantèniri na timpiratura curporia custanti e facilitari la cumunicazzioni, mentri l'arti culunnari suppòrtanu lu so pisu granni.Template:Doppia immagine verticale

Nanìsimu

Diversi speci di prubbuscidei campàvanu nta l'ìsuli e spirimintàvanu lu nanìsimu nzulari . Chistu succidìu suprattuttu duranti lu Pliuceni, quannu certi pupulazzioni d'alifanti si sparteru ìsuli ìsuli a causioni dî canciatini dû liveḍḍu dû mari, puru si l'alifanti nani esistèvanu prima ntô Pliuceni. Sti alifanti addivintaru cchiù nichi nta l'ìsuli pâ mancanza di granni pupulazzioni di pridaturi e risorsi limmitati. Ô cuntrariu, li mammìfiri picciriḍḍi, comu li rusicanti, sbilupparu nu giagantìsimu nzulari nta sti cunnizzioni. Foru scuperti assai prubbuscidei nani ntal'Innunesia, l'Ìsuli dû Canali dâ California e tanti ìsuli dû Meditirraniu .