Vara

Vara iè na palora tipica di la Sicilia centru occidentali ca innica na statua o nu gruppu sacru ca veni purtatu duranti na processioni.

Sta palora deriva da u castiglianu vara, ca significa "travi" o "asta", infatti bona parti di sti gruppi sacri su purtati n'capu i spaddi da li devoti, però pi estensioni puru i statui purtati in processioni cun antri sistemi (tipu carrelli), pigghianu u stessu u nnomi di vara.

Scempri di vare

Grazzie a li ranni tradizzioni religiose di la Sicilia, sia 'n fattu di santi patrona ca di antri abbinimenti, s'attrovanu assai esempi di vare, cumu chiddi ca niscinu a sira d'u gioveddì santu a Cartanissetta, duranti a Simana Santa.

Autri significati

Abbastanza raramenti, all'antri banni di la Sicilia, vara iè usata comu sinonimu di tabbutu, grazzie all'assonanza cu a corrispundenti palora italiana.

varetta: diminutivu vizziggiativu di vara;
carru triunfali: struttura di granni dimensioni;
ferculu: palora dirivanti dô latinu ferculum;
misteru: etimu dirivanti da stazzioni da Via Crucis;
trono o tronu o trunu: limitato geograficamenti;
catalettu: struttura scupirchiata 'ppû trasportu dû Cristu mortu;
catafalcu: struttura 'ppi l'esposizzioni dû Cristo mortu.

Tipi

Carri prucissiunali
- Carri cirimoniali
- Carri munumentali
- Carri divuzzionali: dî Simana Santa di Barcialona-Pizzagottu
- Carri triunfali: dû Fistinu di Santa Rusulia
- Carri vutivi
  - Machini a trainu
  - Machini a scivuli
  - Machini a pattini: â Vara di Missina trainata 'cchî curduna e timunera
  - Machini a cinguli: û ferculu di Sant'Aita di Catania trainatu cchî curduna
  - Machini a spadda: tutti î strutturi ccû cupirtura o baddacchinu dâ Simana Santa di Caltanissetta, Enna e Trapani o li cannalori di Sant'Aita a Catania