Veniri Landolina
La Vèniri Landolina è na scurtura di marmuru, copia rumana di n'origginali grecu dâ prima mitati dû I sèculu a.C., sarbata ntô Museu archiulòggicu riggiunali Paolo Orsi di Sarausa.
La statua fu truvata ntô 1804 e rapprisenta lu tema dâ Veniri pudica, venia diri Veniri ca si ammuccia li parti ìntimi cê vrazza e li manu, nu suggettu assai pupulari ntî l'antichitati e arripigghiatu appoi puru di l'artisti dû Rinascimentu. La testa, lu vrazzu e la manu ritta è mancanti.
La fama dâ Veniri Landolina era tali ca già ntô XIX sèculu attirava visitaturi di l'estiru. Lu scritturi francisi Guy de Maupassant cunta di essiri maravigghiatu di sta statua già pi ntisu diri, prima ancora di vidilla pirsunarmenti ntê sò viaggiu n Sicilia dô 1885.
| Scultura | 
|
| Scultura cèlibbri (artisti) · Sculturi cèlibbri (òpiri) · Musei dû munnu | |
| Listi catigurizzati: Scultura · Scultura (artisti) · Sculturi (òpiri) · Muvimenti artìstici · Tècnichi di scultura |