Wikipedia:Bimminuti

Bannera Siciliana

Ciau e bimminuti a tutti vuiàtri chi siti amici dâ lingua Siciliana.

Tinemu spiranza ca nn'aiutati a riscupriri sta bedda lingua millinaria.

Wikipedia è na nciclupidìa unni li littura sunnu puru autura. Putiti mudificari sùbbutu quarsiasi artìculu usannnu la funzioni Cancia. Ovviamenti abbisogna rispittari arcuni règuli ca carattirìzzanu lu prucettu: viditi Zoccu mìttiri ntâ Wikipedia e Zoccu nun mìttiri ntâ Wikipedia.

Pi sapìrinni cchiossai, putiti vìdiri na brevi grammàtica siciliana, lu Cumpenniu Stilìsticu o lu vucabbulariu prifirutu. Putiti lassari puru li vostri dumanni e assirvazzioni ntô cìrculu.

Siddu vuliti cchiù nfurmazzioni suprâ lingua siciliana o vuliti participari ntâ discussioni suprô sicilianu, jiti a Lu Cìrculu.

Pi aiuti, cuntatti o richesti d'amministrazziuni, jiti a Wikipedia:Amministraturi.

A prupòsitu dâ parola bimminuti

Puru si n'esprissioni di bimminutu furmali ntê scanci suciali ntra li ggenti è cchiutostu rara n sicilianu, ntâ littiratura esisti l'esprissioni bommegna, citata ntra l'autri nti l'òpira di Giuseppi Pitrè. L'esprissioni bommegna è usata ancora ê jorna nostri nti certi banni, n particulari n Calàbbria miridiunali, ma arrisurta usata troppu picca pi essiri arricanusicuta comu attuali ê jorna nostri. Àutri esprissioni ca sunnu usati sunu bonvinutu, e li varianti di l'esprissioni mintuvati ccassupra (binvinutu, bonvegna, bonvinutu).

Cu lu sviluppu dû sicilianu scrittu modernu, e n particulari nti l'usu ca si ni fa supra internet (blog e sita web di natura varia) l'esprissioni ca pari essiri la cchiù usata ê jorna nostri è chidda ca diriva chiaramenti di la nfruenza curturali dû cuntinenti, e cioé bimminutu/binvinutu.