Àncilu Merlinu
Àncilu Merlinu (o Angelo Merlino n talianu) era nu cantanti sicilianu di Filicudi (ME). Murìu la notti dû 29 di sittèmmiru dû 2007.
Biografìa
canciaStu chitarrista e pircussiunista sicilianu avìa natu ntô 1940 a Filicudi nta l'Ìsuli Eoli. Àncilu Merlinu era unu dî cumpusitura siciliani (di mùsichi ètnichi) cchiù apprizzati. Fu unu dî musicisti eoliani cchiù pruduttivi di l'Ìsuli Eoli.
Lu sò patri era lu mèdicu cunnuttu di l’ìsula, mentri la sò mamma era uruguaiana e ncuraggiau lu sò figghiu a sunari mùsica.
Accuminzau la sò carriera nternazziunali comu giròvacu pi l’Europa, e participau a cuncerti 'n Svìzzira, Francia, Belgiu, 'n Australia e 'n Argintina.
La Francia era la sò secunna patria: si fici canùsciri cantannu e sunannu cu l'amici pi li vìi di Pariggi e, succissivamenti, ntê tiatri dâ citati.
Àncilu Merlinu ncuntrau assai artisti e l’amicizzia cu Domenico Modugno fu granni.
Ntô 1977, Àncilu Merlinu funnau a Lìpari lu gruppu di "I Folk Musici delle Eolie" cu lu quali ncidìu 20 disca, cullabburannu puru a l'òpiri discugràfichi dû sò frati Benito Merlino. Benito Merlino ch'è lu sò frati, cantau e sunau cu iddu nta stu gruppu, e nta àutri accasioni.
Discugrafìa
cancia- Chants & Légendes De L'Italie Du Sud (1972 - Angelo Merlino E I Folk Musici Dell'Eolie)
- Danses et tarentelles Sicilliennes (1976 - Angelo Merlino et ses folk Siciliens)
- Missa eoliana et Visages de Sicile (1978 - Angelo Merlino e I Folk Musici Delle Eolie)
- Chants de l'Italie du Sud (1990/1995). Li canzuni 'n sicilianu: E Cumpari, Sciuri sciuri, Patruni miu, La Tarantola, Tarantella calabrese, A crozza, Vendetta e durlindana, e Lu Baruni e la viddanedda.