Abbontiu (nomu)

Abbontiu è un nomu propiu di pirsuna sicilianu maschili.

Etimoluggìa

Forma siciliana dû nomu latinu Abundius dirivatu di l'aggittivu postclàssicu abundus ca signìfica "abbunnanti".

Fistiggiatu abbituarmenti lu 2 d'aprili, havi comu data altirnativa - 'n ricordiu di Sant'Abbontiu, vìscuvu di Comu, mortu ntô 469 - lu 31 d'austu.

Sant'Abbontiu vìscuvu di Comu mortu ntô 469
Sant'Abbontiu màrtiri cu Alissandru, Antìgunu e Furtunatu, cummimurati lu 27 di frivaru
Sant'Abbontiu, ca fu manziunariu ntâ Cresia di San Petru a Roma, (14 d'aprili)
Sant'Abbontiu prèviti, màrtiri a Còrduba 'n Spagna, (11 di giugnettu)
Sant'Abbontiu màrtiri cu Sant'Ireneu a Roma, cummimurati lu 26 d'austu
Sant'Abbontiu prisbìtiru, ca subbìu lu martiriu a Roma cu lu diaconu Abbunnanziu e àutri cumpagni di fidi, arricurdati lu 16 di sittèmmiru
Sant'Abbontiu jaconu, martirizzatu cu lu santu prèviti Carpoforo, (10 di dicèmmiru)
Sant'Abbontiu màrtiri, ammazzatu cu San Giustu, fistiggiati lu 14 di dicèmmiru.