Alì Babà (gruppu sicilianu)

Li Alì Babà sunnu un gruppu di mùsica siciliana d'Enna.

Storia dû gruppu

Lu gruppu Alì Babà veni furmatu a Enna, ntâ Sicilia cintrali, ntô dicèmmiru di 1992 d'arcuni musicisti lucali, ca pruvèninu di diversi àrii musicali. Dû nizziu ntâ sò mùsica sunnu comu è gghiè prisenti li strutturi reggae e caraìbbichi ca a picca a picca carattirìzzanu lu stili attuali d'iddi.

Stu gruppu musicali ennisi s'affirmau, ntô panurama nazziunali e europeu, cu la sò mùsica accattivanti. Cu li sò ritmi miditirrànii càudi misti a timàtichi reggae, uttineru un successu nutèvuli di pùbbricu e di crìtica.

Tra marzu e aprili di ’93, veni arriggistrata la prima cassetta autuprudutta, dû tìtulu “Banane!!!”.

Ntô ’95 veni arriggistrata la sò secunna cassetta autuprudutta, ntitulata “’Nzìgniti ‘a ‘ducazioni” (zoè, mpara li maneri boni). Ntô 2003, nesci lu primu CD dâ band.

Nto' 2008 nesci lu secunnu Cd di la band ca s'intitola " A noi ci piace".

Lu gruppu ha fattu 5 video clip: Pino vu cumprà, raggamuffin raggamaffia, viaggio, odio l'inverno e Fobia. Odio l'inverno e fobia li truvati gia' ncapu you tube.

Stilu musicali

Ora lu stilu dû gruppu pò èssiri difinutu "pop reggae", pirchì è na fusioni tra elementi di pop maturu e clàssicu reggae. Pi quantu riguarda li palori, di sempri usaru la sò parrata siciliana lucali. Li testi sunnu 'n gèniri – ma nun sempri – irònici e scanzunati.

Premi

Ntô frivaru dû ’94, Gegè Telesforo cunzigna ô gruppu lu premiu dâ crìtica ô festival "Città di Caltanissetta".

Cumpunenti dû gruppu

Max Busa - (vuci, pianola)
Tony Colina - (bassu, banniuna)
Peppe Bertolo - (chitarredda)
Enzo Tamburello - (fràuti, synth sax)
Pietro Lo gioco - (trummitta)
Marco Di Dio - (Battaria)
Filippo Alessi - (Pircussioni e Tammurina)
Alessandro Mazzola - (Battaria)

Discugrafìa

Li Alì Babà nisceru un CD ntô 2003. Li canzuni 'n sicilianu: Cu piru nasci piru mori, Ca Ddi perdona, e tanti àutri.

Ntô misi di giugnu dû 2008 nesci lu novu cd ca s'intitola " A noi ci piace".

Cullabburazzioni

Lu cantanti dû gruppu Alì babà, Max Busa, è pridispostu a li cullabburazzioni, nfatti havi già n'annu e menzu ca canta cu lu gruppu di li Tinturìa e è sempri òspiti nni li cuncerti di chisti e hà cantatu na canzuna ccu iddi na l'ùrtimu cd ca titulatu " Di mare e d'amuri".

Puru lu percussionista Filippo Alessi, cullabura nni lu novu discu di li Tinturia.Sunannu lu tammuru a curnici nni la canzuna Abballu senza Sballu.

A prupòsitu di cullabburazzioni ntra li gruppi, urtimamenti Max Busa girau nu vìdiu-clip ccu Lello Analfino di li Tinturìa e Peppi Cubeta di li Qbeta ca si titola " Bona Nova" (si vuliti, lu putiti attruvari sù you tube). La cosa bona è ca li tri picciotti dùnunu tutti li pruventi a la caritas di Palermu.

Liami nterni

Cantanti e gruppi musicali siciliani

Liami sterni

Lu cantanti Max Busa ndo 2007 ndo 2008 e ndo 2009 collabora cu na band siciliana ca si chiamanu i TINTURIA, infatti canta nell'urtimu discu la canzuni " Di mare e d'amuri". Puru lu percussionista Filippo Alessi, sona nni lu discu novu di li Tinturia.Sunannu nni la canzuna "Aballu senza Sballu" Ndo 2009 lu cantanti Max Busa collabora cu lu gruppu sicilianu Brigantini cantannu nde l'urtimu Cd la canzuni "U pisci feti da resca".