Aprili 2015

Sicilia e cuntinenti

15 di aprili

• Palermu: Tra li circa 5000 mmigrati succurruti ntî l'ûrtimi jorna ntô canali di Sicilia, n pruvinenza pi lu cchiossai dâ Siria e di l'Eritrea e partuti dâ Libbia, diversi tisitmunianzi di naufraghi pàrranu di circa 400 pirsuni scumparuti n sèquitu a nu varcuni ca culau.

---

5 di aprili

• Lampidusa: Cincu varcuna n pruvineza dâ Libbia, cu circa 1500 mmigrati foru succurruti e spartuti n vari porti dâ Sicilia.

Munnu

Fu all'hotel Beau Rivage di Losanna ca li diligazzioni di principali putenzi s'ancuntraru cu l'iraniani pi mittìrisi d'accordu supra la quistioni nucliari n Iran.

25 di aprili

• Katmandu: Nu tirrimotu di magnitudini 7,9 dâ scala Richter causa armenu 2000 morti. Lu centru storicu dâ capitali dû Nepal è distruttu.

---

2 di aprili

• Losanna: Amiricani e Iraniani annunciaru n'accordu supra la quistioni di l'arricchimentu di l'uraniu iranianu e la livata dî sanzioni ntirnazziuinali contra l'Iran. L'accordu, negozziatu puru cu àutri nazzioni, e n particulari lu gruppu 5+1 dê Paisi membri pirmanenti dû cunsigghiu di sicurezza di l'ONU, e la Girmania, comu puru cu espunenti dâ diprumazzìa europea, avissi a essiri priparatu pâ firma a fini di giugnu. Siddu trasi n vigori, putissi canciari cumpritamenti li equilibbri geustratèggici dê Mediu Orienti