Benedetto Majorana della Nicchiara
Benedetto Majorana della Nicchiara | |
---|---|
| |
Prisirenti dâ Riggiuni Siciliana | |
Durata mannatu | 23 di frivaru 1960 – 29 di giugnu 1961 |
Pridicissuri | Silvio Milazzo |
Succissuri | Salvatore Corallo |
Benedetto Majorana della Nicchiara (Catania, 18 di austu 1899 – Catania, 22 di nuvèmmiru 1982) hà statu nu puliticu sicilianu.
Biografìa cancia
Espunenti di l'aristucrazzìa tirriera, fu prisirenti di l'assuciazzioni pruvinciali agricultura ri Catania e sinnacu di Militeddu. Nnô 1951 trasìu a l'ARS, d'unnì s'avìa canninatu nta la lista dû Libiral qualunquista. Elettu picca misi cchìu tardu a lu rinnovu di l'ARS, passau a lu ruppu di lu Partitu Nazzionali Munarchicu, ri cui era cumpunenti di lu cunzigghiu nazziunali. Nnô 1955 vinni cunfirmatu cu lu PNM e elettu vici prisirenti vicariu di l'Assimbrea Riggiunali Siciliana. Participau a la maggiuranza ca purtau Silvio Milazzo a la prisirenza di la riggiuni e fu assissuri riggiunali a li finanzi nta lu 9° e 10° guvernu. La DC puntau su iddu pi fari cariri lu guvernu Milazzu, e lu cannina a la Prisirenza di la Riggiuni Siciliana. Elettu lu frivaru 1960, lu sò guvernu durau nfinu a lu giugnu 1961[1].
Noti cancia
Pridicissuri: | Prisirenti di la Riggiuni Siciliana | Succissuri: | |
---|---|---|---|
Silvio Milazzo | 23 di frivaru 1960 – 29 di giugnu 1961 | Salvatore Corallo |