Bonannu Pisanu

Bonannu Pisanu fu n'artista pisanu vissutu â fini dû XII sèculu. Si hannu nutizzi dâ sò attività tra lu 1180 e lu 1186. Spicializzatu ntê porti di bronzu la so fama agghicau nzinu â curti nurmanna di Sicilia chi ci cumannau la porta dâ cattiddrali di Munriali, chi fu fatta a Pisa e spiduta a Palermu tra lu 1185 e lu 1186. La porta di Bonannu è ancora visibbili â trasuta dâ chiesia. Ntô 1186 Bonannu fici puru n'autra porta pi la cattiddrali di San Ranieri (lu duomu) di Pisa, e chi oggi s'attrova ô museu di l'Opira di Pisa.

La porta di bronzu dâ cattiddrali di San Ranieri a Pisa.