Carti siciliani

Li carti siciliani sunnu na varianti dû jocu dî 40 carti usata suprattuttu 'n Sicilia. S'apprisentanu cu li carattiristichi tìpichi di àutri carti italiani. Li carti si spartunu 'n coppi, mazzi, dinari, e spadi. L'assu è sempri na fiura chi jinci la carta, e a manu a manu chi lu nùmmuru crisci nzinu a setti, li coppi, spadi, dinari e mazzi si fannu cchiù nichi. Certi sunnu dicurati di casuzzi, varchiteddi, o nu canuzzu. Li fiuri sunnu la donna, lu cavaddu e lu re.

Li deci carti a mazzi.

Li joca cchiù pupulariCancia

Cu li carti siciliani si joca cchiossai a scupa, scupuni, briscula e briscula 'n cincu. Lu trissetti e autri joca nun sunnu pupulari comu li primi dui. àutri joca ancora, comu lu raminu o la scala quaranta, assai pupulari, dumannanu n'autru sistema di carti, chi è chiddu dû poker a 52 carti.