Discussioni:Panda giacanti

Giacanti? Giganti? Gianti? o Gicanti?

Mi pigghiai la pena di cuntrullari li vari dizziunari e li vari rèculi chi cu l'anni hamu aduttatu, e mi pari chi l'aggittivu cchiù giustu è gicanti. Li vari dizziunari (Murtillaru, Pasqualinu) dicunu tutti giganti, ma dicunu puru longu. 'N sèquitu a discussioni ni mìsimu d'accordu chi la g gutturali s'havi a scriviri cu la c (talìa Usu dâ «C» gutturali mmeci dâ «G» gutturali). Li àutri formi nun hannu fundamentu: 'n particulari gianti mi pari chi si pò rifìriri a na virsioni siculish. Salutamu. --Peppi 07:39, 15 giu 2008 (UTC)

Ciau Peppi - di prima ju scrissi «gianti» - poi quarchirunu canciau tanti dî palori (sutta li fotu, eccetra) a «giacanti», e dunca, ju spustai lu nomu dâ vuci di «gianti» a «giacanti». Ju nun nn'haiu nudda prifirenza, e m'accordu cu zoccu voli la majuranza. Salutamu! πιππίνυ δ - (zoccu stai dicennu?!) 11:25, 15 giu 2008 (UTC)

Ciau a tutti dui, pi st'aggittivu sicilianu dirivatu dû latinu ""gigàntem" penzu chistu:

• gicanti (furma panziciliana -> sicilianu littirariu)
• giacanti (furma lucali: Sicilia urientali)
• giganti (1. furma lucali: Sicilia cintrali e uccidintali, 2. talianismu)
• gihanti/gïanti (furma lucali)
• giajanti/giaianti (furma lucali)

Sugnu d'accordu cu Peppi ca "gicanti" è la furma littiraria cchiù megghia pi lu tìtulu principali di n'artìculu ntô nostru pruggettu nciclupèdicu. Diciu chistu pirchì vitti la furma "gicanti" nta vari òpiri littirari siciliani (puisii, testi, pruverbi, ecc.). Ma haiu a diri ca nun è gravi siddu quarchidunu usa a li voti una di l'àutri furmi siciliani (gianti, giajanti, giacanti, giganti) dintra n'àutru artìculu pirchì pi mìa nudda di sti furmi è fàusa (taliati: "rijalu/rialu/rigalu", "règula/rèula/rècula" e "Girgenti/Giurgenti", "succidutu/succiudutu", ecc.).

Penzu ca lu tìtulu megghiu è chiddu "Panda gicanti" ma l'àutri tìtuli ("Panda giacanti", "Panda giganti", "Panda gianti", "Panda giajanti", "Panda giaianti") ponnu èssiri rinnirizzamenti. Già nni parràstivu ntô Cìrculu.

Siddu nun siti d'accordu cu sta mè pruposta, putemu usari direttamenti lu nomu scintìficu latinu: Ailuropoda melanoleuca comu fannu già nta àutri pruggetti wikipedia.

Chi nni pinzati?

Salutamu.

--Sarvaturi (msg) 13:50, 15 giu 2008 (UTC)