Discussioni:Statutu d'autonumìa sicilianu
L'articulu è ntirissanti. Pi essiri misu comu articulu da simana nicessita secunnu mia di na ntruduzzioni storicu-pulitica, sennò arresta nu documentu tanticchedda troppu burocraticu pi essiri prupunutu accussì com'è. Chi ni pinsati ?--Peppi 09:07, 30 mar 2009 (CEST)
- Si, penzu c'hai raggiuni ! --Santu (msg) 15:26, 30 mar 2009 (CEST)
- Ciau Peppi e Santu, vi prupognu sta ntruduzzioni:
Ntô cursu dâ sò storia, lu pòpulu sicilianu luttau tanti voti p'allibbirari la Sicilia. Ntô 1946 la lotta dî vuluntari nnipinnintisti dû Muvimentu pâ Nnipinnenza dâ Sicilia contra lu Statu talianu purtau a lu Statutu d'Autonumìa. Lu 15 di maiu dû 1946, lu prìncipi Umbertu II di Savoia firmau lu dicretu stituzziunali d'autonumìa riggiunali. La Sicilia addivintau accussì na "riggiuni a statutu spiciali".
Speru ca vi piaci, la putiti canciari/migghiurari siddu vuliti.
Vi salutu, viva la Sicilia!
--Sarvaturi (msg) 19:17, 30 mar 2009 (CEST)
- Oh Sarvaturi... Comu si ? Ogni tantu t'arricampi... e iù t lèggiu cu tantu piaciri ! Salutamu.--Santu (msg) 19:27, 30 mar 2009 (CEST)
Ciau Peppi ! Haiu na riserva: unni scrivisti "è la forma particulari di cuvernu dâ Riggiuni chi fu dunata ntô 1946 â Sicilia", non mi pari giusta la palora "chi fu dunata" . La dunazzioni è na cosa ca si duna spuntaniamenti. Misa accussì, parissi ca lu statu talianu ci fici a la Sicilia na rijalìa, mentri ca lu statutu spicilali fu na cunquista fatta cu na guerra vera e propia.
Iù ci scrivissi: "è la forma particulari di cuvernu dâ Riggiuni c'appi â Sicilia ntô 1946 " (siddu propiu non ci vulemu scrìviri " ...di cuvernu dâ Riggiuni ca vinni cunquistata dâ Sicilia ntô 1946). Chi ni penzi ? --Santu (msg) 14:29, 31 mar 2009 (CEST)
- Fattu! --Peppi 14:31, 31 mar 2009 (CEST)
- Ok - Grazzi !--Santu (msg) 14:32, 31 mar 2009 (CEST)