151.14.129.36

Caru amicu anònimu, grazzi a tia p'avìrini signaliatu ntâ pàggina Discussioni Wikipedia:Grammàtica ca "Ci sunnu na picca d'irruri". T'haiu a diri ca pi arcuni cosi hai raggiuni, ma pi àutri no.

• artìculu determinativi: hai raggiuni ! Ntô sicilianu si dici "ditirminativu" (pruvvidemu quantu prima a fari la curriggiuta di ssa palora - A nostra scaciuni di vogghiu fari sapiri ca nuatri cullabburatura dâ wikipedia siciliana, nun semu studiusi di lingui, ma sèmprici vuluntari ca àmanu la lingua siciliana).
• Terra: no - è asattu "terra". Lu cippu dô sicilianu veni dû latinu e "terra" veni rittu-rittu dû latinu.
• Vèniri: lu pianeta Vèniri e giustu accussì comu è scrivutu, picchì hà sapiri ca li vucali accintati ntô sicilianu nun vènunu canciati. Pigghiannu p'asèmpiu lu verbu "vinìri" ('n talianu venire): jù vègnu - tu vèni - iddu vèni - nuatri vinèmu - vuàutri vinìti - iddi vènunu - Comu poi vidiri, si l'accentu casca nta la e chista arresta e, si, anveci, casca nta n'àutra vucali, allura cancia e addiventa i.
• Sicilianu calabbrisi e doc: quannu scrivemu artìculi 'n sicilianu di Sicilia, usamu nu cumpènniu stilisticu ca pigghia comu mudelli li granni littirati siciliani e lu chiamamu lingua siciliana standard o littirària . Anveci, pû sicilianu di Calàbbria, ongunu d'iddu calabbrisi scrivi secunnu la sò parrata lucali. Sparti, quannu n'artìculu è scrivutu 'n calabbrisi, 'n testa a l'artìculu stissu veni spicificatu cu quali parrata lucali calabbrisa l'artìculu è scrivutu. Si tu attrovi picca diffirenzi tra lu sicilianu di Sicilia e chiddu di Calabbria, chistu e lu signali ca si tratta dâ stissa lingua.
• Sarva la paggina ie sabba a paggina: ie' nun è sicilianu littiràriu, ma sicilianu di Catania o di Sarausa, la stissa cosa sabba.

Grazzi a tia e cuntinua a liggìriti la Wikipedia siciliana, unni cuegghiè pò agghiùnciri palori novi: MACARI TU. . Salutamu !--Santu (msg) 22:51, 27 Maiu 2008 (UTC)