Geroingiro
[]Ora si nun sugniu di disturbu vi vulissi fari nutari a tutti ca c'è na bella differenza tra lu sicilianu ca si parra nni li vari città siciliani, addirittura stà differenza c'e puri tra li vari paisi. Ad esempiu: - cumu putiti diri ca ie giustu diri accumenza mentri ie sbagliatu diri accumincia? - picchi ie giustu diri a chiavi e no a ciavi? - ppi quali motivu i ca sugniu catrinaru, aia ppinzari ca ie giustu diru io' (missinisi) o iu' (catanisi) quannu ppi mi si dici i - quali ie u motivu ca' truvu scrittu giugnettu? cchi ie u figliu nicu di giugniu (eppuri ppi vuatri ie giustu! VERU?)
Sugniu d'accordu a diri di sarvaguardari u sicilianu, ma nun voli diri renniri u sicilianu 'na lingua sula, u sicilianu ie ottenutu d'un miscugliu di vari lingui e ogni paisi senti l'influenza di chiddi cca l'anu dominatu. Nun ie giustu iri a correggiri un palermitanu ca scrivi palermitanu, un catanisi ca scrivi catanisi o un cartanittisi ca scrivi nissenu. Se no tantu vali ca vi li 'nvintati li paroli ma cchi stamu schirzannu?
Scusatimi ma ie na critica ca mi vuddiva nnu stomacu!!!
SUGNIU A DISPOSIZZIONI PPI CCU IE CA VOLI RIBBATTIRI, PICCHI PPI MI U SICILIANU IE CHIDDU CA PARRU I, E NNUDDU M'AVA CORREGGIRI PPI SCRIVIRI PAROLI CA MANCU SACCIU QUASI PRONUNZIARI E CUIEGGHE (CHIUNQUE) SI PRIMA NUN SI LA GGIRATU TUTTI LI PAISI SICILIANI E SI PRIMA NUN HA SINTUTU PARRARI TUTTI LI DIALETTI SICILIANI IE INUTILI CA CORREGGI NA COSA SCRITTA DI NAUTRU, PICCHHI CHIDDU CA IE SCRITTU NNI LI DIZZIONARI SU COSI SCRITTI D'UN CATANISI, OPPURI D'UN GIRGENTINU, OPPURI DI QUARCHI ENNISI, MA NUN IE ACITANU, NUN IE RIBBERISI, NUN IE CARRAPIPANU!!!
- Nuddu voli currèggiri lu tò sicilianu. Esisti na littiratura siciliana famusa, nuàutri usamu li sò "règuli" pi scrìviri artìculi nta sta wikipedia 'n lingua siciliana. La lingua siciliana scritta (littiraria) esistìa prima di lu talianu scrittu (littirariu). Lu sicilianu littirariu è nu modu di scrìviri supradialittali. Chistu voli diri ca nun si raccumanna usari unu dialettu o n'àutru, ma ca usamu na furma "standardizzata" o "stabbilizzata" pi scrìviri. Ognidunu poti cuntinuari a parrari lu sò dialettu (chiddu di la mè famigghia è chiddu nissenu, poi sapìrinni chiossai supra lu dialettu nissenu ccà, ma ju scrivu sempri 'n sicilianu littirariu). Salutamu! --Sarvaturi 08:38, 6 Giugnu 2007 (UTC)
Caru Sarvaturi m'a scusari forsi fuiu un pò troppo scuntrusu nun iera a me ntenzioni, ma ccu lu me misteri mi trovu troppu spissu a cuntattu ccu tutti i tipi di siciliani e iddi mi sfuttinu, quannu dicu diversi paroli catrinari. All'urtimu simu di la stessa provincia, tu si "vrudaru" (suprannomi di li cartanittisi) e i sugniu "scassapagliaru" (suprannomi di li catrinari) scusami n'autra vota ma i aiu u collegamentu lintu e nun puzzu iri a taliari tuttu chiddu ca già fu scrittu eccu puri picchi successi stu disguidu. Ora ti salutu e nun nni parramu cchiu!!!
- Occhiu â prossima! Ju sacciu parrari tri parrati: catanisi, sarausanu e rausanu, ma quannu scrivu nti sta nciclupidìa addòpiru macari ju nu sicilianu littirariu picchì vogghiu fari accapiri zoccu scrivu a tutti li pirsuni ca firrìunu ccà dintra e a lu megghiu nùmmiru di Siciliani pussibbili. Lu sicilianu nun è tanti lingui, lu sicilianu è na lingua sula, ca havi sè assai parrati, ma ca è a tutti banni la stissa lingua, si jemmu a taliari li cosi pi comu bonu s'hana jiri a taliari! Salutamu ccu amicizzia. --Anakletos 20:42, 6 Giugnu 2007 (UTC)