Efebu di Girgenti
L' Efebu di Girgenti è na cèlibbri statua di marmuru dû pirìudu di l'arti greca clàssica, 'n particulari â fini dû V sèculu a.C., chi rapprisenta nu picciutteddu cu n'aspettu eliganti e armuniusu, n'asempiu pirfettu di l'idiali esteticu dâ giuvintù ntâ scultura greca. Lu nomu Efebu si rifirisci a nu màsculu adulescenti, ma cu n'aspettu già sviluppatu, chi era lu sìmmulu dâ biddizza e dâ pirfizzioni fìsica nta l'arti greca
Scuperta e pruvinienza
canciaL'efebu fu truvatu ntô 1830 a Girgenti, nti l'antica Akragas, una dî principali citati dâ Magna Grecia situata ntâ Sicilia miridiunali. La statua fu truvata vicinu lu Tempiu di Zeus, na mpurtanti zona archiulòggica dâ città, ca detti assài ritrovamenti lijati â grannizza dâ polis ntô pirìudu clàssicu. Ogghi, l'efubu di Girgenti è espunutu ô Museu Archiològgicu Riggiunali di Girgenti, unni rapprisenta una di l'òpiri cchiù mpurtanti dâ collizzioni.
Carattirìstichi dâ statua
canciaLa stàtua è fatta di màrmuru, matiriali usatu nta tanti sculturi grechi di liveddu àutu, ed è n'asempiu di pirfizzioni stilìstica e estètica. L'efubu, àutu 102 cintimitri, è rapprisintatu nudu, secunnu la tradizzioni dâ scultura greca chi idializzava la fijura umana. La sò pustura è rilassata ma eliganti, cu n'attiggiamentu di calma e sirinità ca trasmetti l'armunìa fìsica e la pirfizzioni dû corpu.
La facci di l'efebu è carattirizzata di tratti dilicati e pirfetti, cu n'esprissioni niutrali ma ô stissu tempu armuniusa. Li capiddi sunnu mudillati cu cura granni, dispunuti a unni, mentri lu corpu è sculputu cu attinzioni ê dittagghi musculari, ma senza mai esaggirari la difinizzioni, pi trasmèttiri nu senzu di biddizza idiali chiuttostu ca di rialismu. L'attiggiamentu dâ fijura, cu lu pisu liggirmenti spustatu supra na jamma e l'àutra jisata 'n passu naturali, arricorda la tradizzioni dâ scultura greca clàssica, chi tinnìa a rapprisintari lu corpu umanu 'n pustura equilibbrata e naturali.
Significatu e ntirpritazzioni
canciaL'efebu di Girgenti è n'asempiu tipicu di l'arti greca clàssica, chi dunava mpurtanza â biddizza idiali dû corpu umanu comu manifestazzioni di virtù e pirfizzioni Lu efebu picciottu rapprisenta l'idiali esteticu dô pirìudu, lu cui scopu non è tantu di rapprisintari na pirsuna riali, ma di 'ncarnari lu cuncettu astrattu di biddizza giuvanili.
La scelta di rapprisintari nu picciutteddu nudu è puru na manifestazzioni di l'impurtanza di l'educazzioni fìsica e di l'addestramentu atlèticu ntê sucità grechi, 'n particulari a Akragas, ca era na città famusa pî sò scoli di ginnàstica e la participazzioni ê cumpitizzioni sportivi. La nudità ntâ scultura era macari nu riferimentu â ricerca di l'idiali divinu, nu cuncettu ca trasìu ntâ gran parti dâ pruduzzioni artistica di l'epoca.
Stili e nfruenza
canciaL'efebu di Girgenti fa parti dâ tradizzioni dâ scultura greca dû V sèculu a.C., 'n particulari a l'àmbitu dû stili chi si pò difiniri comu clàssicu, carattirizzatu di n'equilibbriu tra rialismu e idializzazzioni. Li so prupurzioni pirfetti e la sò postura naturali arrivòrdunu lu stili di sculturi comu Polictetu e Fidia, ca nfluenzaru di manera mpurtanti la scultura greca di l'epoca.