Enric Valor i Vives

Enric Valor i Vives (natu ntô 1911 n Castalla, l'Alcoià; mortu ntô 2000 n Valencia) era un cuntaturi valincianu e un grammaticanti chi fici cuntribbuti mpurtanti pâ ricugghiata e pû rinascimentu dâ littiratura valinciana, e era lu prumuturi principali dâ stannardizzazzioni dû catalanu ntra Valencia, Spagna.

Biografìa

Enric Valor nascìu ntô 1911, figghiu di na famigghia ricca di Castalla, ntâ cuntìa valinciana di l'Alcoià. Ntô 1930, a l'età di dicinnovi anni, addivintau jurnalista n Alicante scrivennu pû jurnali satìricu: El Tio Cuc, n valencianu. Duranti la Secunna Ripùbbrica Spagnola fici puru lu puliticanti. La sò richiesta principali era pû statutu autònumu pi Valencia, e puru pi stabbiliri la parrata d'Alicante comu catalanu. Duranti stu tempu travagghiava cu sti jurnali nazziunalìstici dâ cità di Valencia: La República de les Lletres, El Camí, El País Valencià. Quannu la Guerra Civili Spagnola accuminzau, iddu scigghìu lu latu ripubbricanu.

Doppu la guerra, limitau li soi attivitati pulìtichi pi cuncintràrisi suprâ littiratura. Ô principiu dî 1950ini accuminzau a pubbricari "rondalles", un tipu di fàvula cumuni valinciana, chi appareru nta Rondalles valencianes (1950-1958). Duranti li 1960ini turnau ê soi attivitati pulìtichi clannistini chi trattàvanu dû nazziunalismu valincianu e, pi cunziguenza, addivintau un priggiuneri pulìticu di Franco dû 1966 ô 1968. Nisciutu di priciuni, comu dissi iddu, "nenti struzzioni nun nni vinni nzignatu", funnau chi era quasi la prima rivista n valincianu ntô pirìudu doppu la guerra; Gorg ("Gira", in catalanu). Quannu la dittatura di Franco si abbaccau, Enric Valor era capaci a fari cchiù diffusi li soi opinioni, idei e òpiri littirari. Accuminzau a èssiri anuratu cu premi littirari e linguìstichi di tutti li parti catalani. Duranti li 1990ini cc'era un muvimentu tra la sucitati valinciana e gruppi culturali pi prupòniri Valor comu cannidatura pû Premiu Nobel pi Littiratura, ma murìu di corpu ntô 2000. Oi, strati, chiazzi, scoli, e cìrculi pi tutta Valencia vennu chiamati cû sò nomu.

Òpiri Linguìstichi

La sò prima òpira linguìstica fu la rivista simanera El Tio Cuc stabbiluta n Alicante. Vinni scritta nta un catalanu spagnulizzatu, chî sbagghi grammàtici, ma adaciu, ô stissu tempu, stava agghiuncennu l'ortugrafìa catalana e struzzioni di grammatica ntra la sò scrittura. Stava aiutannu lu sviluppu d'un dizziunariu catalanu-valincianu-baliàricu sutta la dirizzioni di Francesc de Borja Moll. Comu Carles Salvador e Sanchis Guarner, era unu di prumutura principali dâ stannardizzazzioni dû catalanu n Valencia unni la grammàtica diPompeu Fabra addivintau diffusa, pi menzu d'òpiri comu Curs de la llengua valenciana (Gorg, 1961), Millorem el llenguatge (1971), e Curso medio de gramática catalana referida especialmente al País Valenciano (1973).

Ntô 1983 pubbricau La flexió verbal unni sistimau li verbi dû dialettu valincianu. St'òpira addivintau lu rifirimentu principali pi l'usu nurmativu di verbi, e ancora veni usatu pi la struzzioni di studenti valinciani. Sparti di chissu, è mpurtanti capiri lu vucabbulariu riccu chi vinni dî soi òpiri, spiciarmenti dî soi rondalles, chi arricògghinu paroli e liggenni di tutti li banni valinciani.

Òpiri littirarî

La sò òpira cchiù cèlibbri è Rondalles valencianes (1950-1958), unni si tròvanu 36 fàvuli pupulani valinciani scritti ntôn modu littirariu. Àutri òpiri ntôn modu sìmili sunnu Narracions de la Foia de Castalla (1953), e Meravelles i picardies (1964-1970). Lu sò primu rumanzu era L'ambició d'Aleix chi vinni accuminzatu ntê 1940ini e 1950ini, ma era cuntinuamenti riscrittu fini lu 1960. Forsi la sò òpira cchiù mpurtanti è Cicle de Cassana chi cumprenni tri rumanzi: Sense la terra promesa (1960), Temps de batuda (1983), and Enllà de l'horitzó (1991). La Cicle de Cassana triluggia cerca a riscupriri la mimoria cullittiva tra 1916 e 1939, chi vinni riprimuta e ammucciata pû fattu dâ dittatura. Ntô 1982 pubbricau La idea de l'emigrant.

Premi

• 1983, Premi Sanchis Guarner.
• 1985, Premi de les Lletres Valencianes.
• 1986, Membru dû Dipartamentu di Filoluggìa ntô Institut d'Estudis Catalans.
• 1987, Premi d'Honor de les Lletres Catalanes.
• 1987, Mèmmuru dû Cumitatu ntô Institut Interuniversitari de Filologia Valenciana.
• 1993, Honoris Causa Doctor di l'Univirsitati di Valencia.
• 1993, Creu de Sant Jordi dâ Generalitat de Catalunya.
• 1996, Miquelet d'Honor dâ Societat Coral El Micalet, di Valencia.
• 1997, Premi Cavanilles dû Institut Valencià d'Excursionisme i Natura.
• 1998, Honoris Causa Doctor di l'Univirsitati di l'Ìsuli Baliàrichi.
• 1999, Honoris Causa Doctor di l'Univirsitati di Jaume I.
• 1999, Honoris Causa Doctor di l'Univirsitati d'Alicante.
• 1999, Honoris Causa Doctor di l'Univirsitati di Politècnica de València.