Traghettu

navi o barca chi porta genti o menzi di trasportu di terra di na banna a l'autra di nu specchiu d'acqua
(Rinnirizzata di Ferribbottu)

U traghettu, trachettu o ferrubbottu è na mbarcazziuni usata pi passari di na riva a l'autra. Quannu è 'ranni e serbi a trachittari màchini e treni si chiama “navi trachettu”, ma è macari saputu sèntiri cû nomu ferrubbottu (dirivatu dû ngrisi ferry boat).
A Missina cci nni stannu tanti pi fari passari i genti, i màchini, i camia e i trena, attraversu u Strittu di Missina, pi fàrili sbarcari nnô cuntinenti a Villa San Giuvanni o puru a Riggiu Calabbria. Quarchi annu arreri si rapìu n'autra mmasatura pî ferrubotti a Trimmisteri (Missina). 'N Sicilia i trachetti ncùcchianu puru i tanti ìsuli (Eoli, Egadi e Pelagi) ê porti siciliani cchiù vicini.

Nu ferribottu ntô strittu di Missina

Nnâ mituluggìa 'ntica, u trachettu àvi nu significatu simmòlicu lijatu ô passaggiu dâ vita â morti. Caronti è u trachittaturi ca porta l'armi dannati ô nfernu; mitu appoi ripigghiatu di Danti nnâ so Divina Cummedia.

Talìa puruCancia