Festival di Sanremu
Lu Festival di Sanremu è na manifestazzioni di musica, canzuni e spittaculu, chi si svorgi ongi annu tra jinnaru e frivaru a Sanremu a pàrtiri dû 1951. Trasittuta n diretta â televisioni, ogni annu lu Festival di Sanremu rapprisenta una dî trasmissioni cchiù taliati.
La particularità dû Festival, chi si svorgi ntî l'omònima lucalitati dâ Liguria è ca li canzuni hannu a essiri cumplitamenti novi.
Ô cursu di l'anni diversi cantanti italiani si ficiru canusciri grazzi â nu primu successu uttinutu ô festival. Citamu tra l'autri cosi li cantanti siciliani Giuni Russu, Girardina Truvatu, Carmen Consoli, Marcella e Gianni Bella.
Ntî l'anni '50 Duminicu Modugnu cu la sò cèlibbri Nel blu dipinto di blu (ma cchiù canusciuta comu Volare), addivintau una dî canzuni italiani cchiù canusciuti ntî tuttu lu munnu.