Habemus Capa

Habemus Capa
Artista:  CapaRezza
Tipu album:  Studiu
Data dâ nisciuta:  24 marzu 2006
Durata:  59 min : 04 sec
Númmuru di Dischi:  1
Númmuru di tracci:  19
Gèniri:  Alternative rap Rap rock Hip hop
Casa discugràfica:  EMI
Prudutturi:  Carlo Ubaldo Rossi
Riggistrazzioni:  
Noti:  Nùmmuru dischi d'oru: 1
Album pricidenti:  
Album succissivu:  Le dimensioni del mio caos


Habemus Capa è lu terzu album dû cantanti rap Caparezza, pubbricatu ntô 2006.

Lu tìtuluCancia

Lu tìtulu è na babbiata dâ frasi "Habemus Papam" ca veni diciuta quannu si fa lu novu papa. Dd'annu havi statu eliggiutu Binidittu XVI.

Lu discuCancia

Caparezza avìa avutu la pinzata di fari nu discu ca si spirava â Divina Cumeddia ma poi lassau stari picchì nun riniscìu a attruvari nu contrappassu bonu pi chiddu ca vulìa criticari. Cci ristau l'idìa pirò di fari ca mori ntâ prima canzuna (comu avìa fattu nta la lùrtima traccia di Verità supposte), pi rinàsciri ogni vota sutta nova forma.

TracciCancia

  1. Mors mea tacci tua (intro) – 0:26
  2. Annunciatemi al pubblico – 4:08
  3. Torna Catalessi – 3:58
  4. Gli insetti del podere – 3:59
  5. Dalla parte del toro – 3:59
  6. Ninna nanna di Mazzarò – 4:41
  7. Il silenzio dei colpevoli – 4:08
  8. Profilo psichico – 0:35
  9. La mia parte intollerante (feat. Gennaro Cosmo Parlato) – 4:23
  10. Inno verdano – 3:50
  11. Epocalisse – 3:55
  12. Tii-yan – 0:24
  13. The Auditels Family – 4:07
  14. Ti giri – 3:42
  15. Titoli – 3:56
  16. Felici ma trimoni – 4:53
  17. Sssaasss – 0:22
  18. Sono troppo stitico – 3:59
  19. Habemus Capa – 4:24

CanzuniCancia

Mors mea tacci tuaCancia

Pigghiannu la frasi latina Mors tua vita mea ("Morti toi, vita mei") e ammiscànnula câ nciuria rumanisca " Li mortacci tua!". Ddocu Caparezza mori e nta picca sicunna usa la frasi di la lùrtima canzuna dû discu di prima, "Jodellavitanonhocapitouncazzo" e facennu capiri ca quannu nu cantanti mori vinni chiussai dischi: "...mamma quanti dischi venderanno se mi spengo.." (Mamma, quanti dischi vìnnunu si m'astutu...).

Annunciatemi al pubblicoCancia

Parti cu na trummiata tipica dî funerali dû Sud di l'Italia. Caparezza si mmaggina mortu intra lu tammutu, cu tutti ca ora vannu mû vardunu ma prima parraru d'iddu n malu modu. Mmaggina macari chiddu ca pènzanu, facennu avvìdiri la facciularìa dâ genti.

Torna CatalessiCancia

Babbiannu lu tìtulu dû film "Torna a casa Lassie", n viritati Caparezza parra di l'esaggerazzioni dû mircatu munniali, di nnustrii e di multinazziunali e di comu sti cosi si fannu sèntiri camurriusamenti n menzu â populazzioni, ca addivintau macari idda troppu viluci.

Gli insetti del podereCancia

Critica contra li mali usi dâ sucietati muderna, pigghiannu di mira n particulari li pulitici taliani, mittennu tutti sutta forma di nzetti e facennu ô spissu usu di doppi senzi.

Dalla parte del toroCancia

Mittennu na mitàfura, lu cantanti mmaggina na corrida, unni lu tàuru rapprisenta chiddu cchiù dèbbuli (ca pò jèssiri nu disabbili, nu citatinu, lu pòpulu ma macari l'armali stissu) e nu matador (ca rapprisenta la pulitica tinta, l'omu putenti ca fa mafia contra lu dèbbuli). Lu matador si nn'apprufitta ma Caparezza fa ntènniri ca prestu l'armali si ribbella e sunnu guai pû matador, ca resta sulu contra a tutti.

Ninna nanna di MazzaròCancia

Caparezza havi a rinèsciri a tèniri arrisvigghiatu nu picciriddu mi lu sarva contra a Mazzarò (pirsunaggiu dâ nuvella di Verga "La roba" ca ammunziddau trisora e funni pi tutta la vita e, quannu s'abbicina â morti, distruggi li cosi e ammazza lu bestiami soi accussì pi purtallu cu iddu), ntinnennu cu stu nomu la crassi pulitica e diriggenti d'oi, ca "pigghia lu futuru" e nun cc'abbasta tuttu chiddu ca già teni.

Il silenzio dei colpevoliCancia

Pi Caparezza, cu si sta mutu e ammuccia li mali cosi ca vidi e ca cc'ammattunu pi curpa di l'àutri, havi li so' stissi curpi. Lu tìtulu si rifà ô film Il silenzio degli innocenti.

Profilo psichicoCancia

Pizziceddu senza testu, sulu fattu di risati.

La mia parte intolleranteCancia

Caparezza, facennu la parti di nu studenti, fa avvìdiri comu nu figghiolu manzu comu a iddu è vittima dû bullismu â scola, fattu di genti gnuranti senza ntiressi, iddu s'allasca, penza a na vinnitta, pirò â fini fa capiri ca è megghiu resistiri a sti cosi. Caparezza eppi pi daveru na crassi a sta manera. Lu riturnellu è cantatu di Gennaro Cosmo Parlato.

Inno verdanoCancia

Ccà Caparezza fa capiri facili ca sta parrannu contra la Lega Nord, facennu finta ca addivintau nu "secessionista". La Padania è ntisa comu Verdania.

EpocalisseCancia

 fini dû munnu ntisa d'unu comu l'Apucalissi, di l'àutru comu lu sbaddu. Àutra critica a lu modu di fari mudernu.

Tii-yanCancia

Strumenta sònunu na traccicedda ca pari lu suttafunnu di Torna Catalessi.

The Auditels FamilyCancia

Lu cantanti s'addumanna cu sunnu chiddi di l'Auditel, ca dicìdunu li sorti dî trasmissioni, mustrànnuli comu na setta o na loggia. Ammostra macari com'è cumminata la TV d'òi, unni fa vìdiri comu è cumannata "di supra" di chiddi putenti. Li spettaturi vardunu tuttu senza làstimi e macari cci piaci. Tutta la canzuna fa rifirimentu ô cìnima horror.

Ti GiriCancia

Contra li telejurnali ca penzanu a mèttiri sulu nutizzi babbi e strèusi, ammucciannu chiddi serii, accussì cci fannu nu fauri a cu cumanna.

TitoliCancia

Contra a l'econumìa cumpricata d'oi, ca usa palori strani e senza senzu a cu nun sapi, accussì da pigghiari tuttu lu puteri.

Felici ma trimoniCancia

"Trimoni" voli dìciri ntô dialettu pugghisi "babbu, scimunitu". Penza a comu la genti si marita pinzannu sulu ê ntiressi matiriali ca ammostra lu lussu e lu sfrazzu sulu mi si fannu granni a l'occhi di l'àutri.

SSSAAASSSCancia

Senza testu.

Sono troppo stiticoCancia

Pigghiannu lu pirsunaggiu di Norman Bates di Psycho, ca vulìa ammazzari na figghiola senza ca nuddu si nn'adduna. Bates ntâ canzuna sarìa la rapprisentazzioni di li nnustrii e di l'azzenni, ca àvissiru a criari posti pû travagghiu e jèssiri d'aiutu â populazzioni, mmeci cci penzunu pocu e fannu cchiù morti di chiddi ca avirìunu a sarvari. Cc'è na campiunatura di na canzuna dû Quartetto Cetra, e cita "La Cura" di Francu Battiatu e "La donna Cannone" di De Gregori.

Habemus CapaCancia

Agghicatu â fini, rinascita comu nu papa e penza a quannu accuminciau comu Mikimix.