Muvumentu Nazziunali pâ Libbirazzioni di l'Azawad
Lu Muvumentu Nazziunali pa la Libbirazzioni di l'Azawad ('n lingua tamazight Tankra n Tumast i Aslalli n Azawad) lutta pi la nnipinnenza dâ Azawad dô Mali.
Storia
canciaNtê lu 2012 lu populu Tuareg[1] 'n Mali[2] addicchiarunu la nnipinnenza uccupandu li riggiuna di Timbuctù, Gao e Kidal. Ntê misi appressu li tuareg foru accumpagnati di islamisti di varia pruvinenza, ca mpuneru la liggi islamica, la cusidditta sharia, ê pupulazzioni lucali, ca puru siddu eranu ggià mussurmani, nun applicavanu la sharia. Lu funnamentalismu riliggiusu dî diriggenti novi di l'Azawad purtau â distruzzioni dî famusi mausulei di Timbuctù, e â distruzzioni dî mansuciritti mediuevali ca s'attruvavanu, tra la cunnanna di la cumunitati ntirnazziunali.
La Francia partecipa â la guerra 'n Mali ppi la questioni di lu cuntinziusu tirrituriali tra lu Mali e li Tuareg, ntra cui li islamisti s'ammiscaru rinnennu lu cuntinziusu di rilivanza ntirnazziunali[3].
Giografìa pulìtica
canciaDoppu aviri cuntrullatu tra lu 2012 e lu 2013 li tri riggiuna di Timbuctù, Gao e Kidal, e doppu la cuntruffinsiva ntirnazziunali guidata dâ Francia, lu MLNA cuntrolla sulu li muntagni dâ riggiuni di Kidal. La cità di Kidal, ancora occupata di l'MNLA, è pattugghiata puru di surdati francisi e maliani, ca pirò nun arrinèsciunu a cuntrullàrila tutalmenti.
Pulìtica
canciaE' nu muvumentu pulìticu chi se cumbatti pi la nnipinnenza di la riggiuna da lu Statu di Mali, 'n Àfrica.
La sò pulìtica è di spirazzioni riliggiusa è Wahhabismu, lu nzegnamentu di lu sò nizziaturi era funnatu sû unicitati di Ddiu, sû usservanza riggurusa dû Coranu e sû severa cundanna dê cunzuetudini riliggiusi (la visita â li sèpulcri dî pirsunaggi famusi, pi esempiu) chi s'eranu dipusitati cumu altrettanti stratificazzioni, ntê cursu dê timpu, sû pratichi divuzzionali dî mussurmani.