Panelli
Li panelli (o paneddi) sunnu na cosa di manciari ca si fannu ntâ Sicilia uccidintali, tra Palermu e Trapani.
Si fannu cu la farina di cìciri vugghiuta cu l'acqua e lu pitrusinu. Quannu sta pastetta accumincia ad arrifriddàrisi, si stenni la pastetta ncapu di na tavulidda di lignu quatrata. Quannu la panedda è fridda, si friji nta l'ogghiu càudu pi na para di minuti.
Li panelli s'accàttanu nni li Friggitorie e chiddu ca friji li panelli si chiama Paniddaru o Panillaru.
Di sòlitu si màncianu càudi càudi, 'n menzu d'un pani câ giggiulena.
Sunnu cunzidirati manciari pupulari picchì cùstano picca e fannu addubbari assai.
Modi di diri: sunnu Pani e panelli voli diri: "sunnu dui amicuna" oppuru si dici di dui ziti sempri mpiccicati l'unu cu l'àutru.