Partitu Sucialista dî Siciliani

Lu Partitu Sucialista Sicilianu ('n talianu Partito Socialista Siciliano) o PSS è nu partitu pulìticu sicilianu.

Sìmmulu di lu PSS

Storia cancia

Riunnatu lu 21 di maju di lu 2013, nti l'uccasioni di lu 120° annivirsariu di li Fasci siciliani e s'allìa a la spirienza di lu vecchiu Partitu Sucialista Sicilianu ca fu la parti principali di la rivota, funnatu lu 21 di maju di lu 1893. E' nu partitu ca porta avanti li idei di lu Sucialìsimu e nti lu stissu tempu di lu Sicilianìsmu, senza pi chissu vuliri èssiri isulazziunista e arristannu fidili a lu ntirnazziunalìsimu e a l'idea di n'Europa di li pòpuli e no sutta lu duminiu di li banchi. Lu Partitu voli attuari lu Statutu d'autonumìa sicilianu 'n chiavi sucialista e voli èssiri puntu di rifirimentu 'n Sicilia pi tutti chiddi ca crìdinu nti li idei di la manca.

Lu 21 di maju 2013, doppu nu sit-in p'arricurdari li Fasci Siciliani, a Palermu, li participanti si spustaru a lu Palazzu di l'Aquili, unni si tinni na Riunioni di li funnaturi, d'unni lu Partitu Sucialista Sicilianu vinni dichiaratu rifunnatu e vinni stituiutu nu Cumitatu di Dirizzioni Pruvisoriu di 9 mèmmira, ca havi lu còmpitu di purtari avanti lu partitu avveri lu primu cungressu custituenti ca s'ha tèniri dintra l'annu 2013[1].

Quarchi tempu doppu Antonio Matasso è statu elettu sicritariu unicu di lu partitu.

Mèmmira cancia

Di lu Cumitatu di Dirizzioni Pruvisoriu fannu parti genti ca vèninu di lu vecchiu Partitu Sucialista Talianu (ex PSI), di lu sicilianismu, di li sinnacati e di l'ambienti univirsitariu, li 9 mèmmira sunnu:

  • Fabio Cannizzaro
  • Antonio Matasso, sicritariu
  • Giuseppe Coniglione
  • Ignazio Buttitta
  • Franco Gioia
  • Leonardo D'Angelo
  • Ignazio Coppola
  • Turi Lombardo
  • Nino Gennaro.

Nuti cancia

  1. LinkSicilia - E' nato il Partito Socialista dei Siciliani

Lijami sterni cancia