Piersanti Mattarella
Piersanti Mattarella (Casteddammari, Sicilia, 24 di maiu 1935 – Palermu, 6 di jinnaru 1980) hà statu n'omu pulìticu, prisidenti di l'Assimblea Riggiunali Siciliana, ammazzatu dâ mafia ntô mentri ca era prisidenti dâ riggiuni Sicilia.
 |
|||
| Prisirenti dâ Riggiuni Siciliana | |||
|---|---|---|---|
| Durata mannatu | 20 di marzu 1978 – 6 di jinnaru 1980 | ||
| Pridicissuri | Angelo Bonfiglio | ||
| Succissuri | Gaetano Giuliano (Facenti Funzioni) | ||
| Dati ginirali | |||
| Partitu puliticu | Dimucrazzìa Cristiana | ||
| Alma mater | |||
Biografìa
canciaFigghiu di Bernardo Mattarella, omu pulìticu dâ Dimucrazzìa Cristiana, e frati di Sergiu Mattarella. Criscìu cu na istruzzioni riliggiusa, studiannu ntê Gisuiti. Si jittau ntâ pulìtica ntâ Dimucrazzìa Cristiana, ntra chiddi ca s'abbasava risurta Giorgiu La Pira, avvicinànnusi â currenti pulìtica di Aldu Moru. Fu prisidenti dâ Sicilia e vìttima dâ mafia, si sapi, pi càusa dû sò mpegnu pulìticu ntô circari punti di appoju ntra la mafia e li pùbbrici putiri. Vinni cunzidiratu prima comu n'attintatu tirrurìsticu, ma lu dilittu vinni appoi innicatu di Tummasu Buscetta comu mafiusu. Secunnu lu cullabburaturi di justizzia Franciscu Marinu Mannoia, Giuliu Antreotti era assai cunzapèvuli dû malumuri dâ mafia pô cumpurtamentu di Mattarella, ma nun avvirtìu nè lu ntirissatu e mancu la maggistratura, puru avennu participatu a armenu dui ncontri cu cumannanti mafiusi ca avìanu pi uggettu propiu la pulìtica di Piersanti Mattarella e, appoi, lu sò dilittu. Chistu appuntu è chiddu ca hà statu affirmatu e scrivutu ntâ sintenza dû giudizziu di Appellu dû loncu prucessu ô stissu Giuliu Antreotti cunfirmata dâ Cassazzioni ntô 2004. La stissa sintenza affirma ca l'alluntanamentu di Andreotti dâ cumprìccula mafiusa vinni 'n sècutu a l'ammazzata di Mattarella.