Wikipedia:Puntu di vista niutrali

NPOV è l'acrònimu dâ sprissioni ngrisa Neutral Point Of View, ca signìfica puntu di vista niutrali.

La pulìtica di Wikipedìa è ca tutti l'artìculi hannu a èssiri trattati d'un puntu di vista niutrali. Secunnu l'idìi dû funnaturi Jimbo Wales, NPOV è na règula assuluta e nun discutìbbuli. L'usu dû NPOV è pirciò règula nun dirugàbbili di Wikipedìa.

Lu sò esattu cuntrariu pò èssiri cunziddiratu lu cussiddittu POV, puntu di vista pirsunali e/o unilatirali assulutamenti d'evitari.

Lu NPOV è nu cuncettu funnamintali 'n Wikipedìa: n'Enciclopedìa nun assumi arcuna pusizzioni, né di cunnivisioni, né di riggettu d'arcuna ntirpritazzioni di li fatti ca discrivi. N'Enciclopedìa assumi la sula pusizzioni di nu puntu di vista niutrali, supra lu quali tutti li parti ntirissati ponnu cuncurdari. Nun è naturarmenti sempri pussìbbuli ottèniri n'accordu cumpretu supra tutti li temi trattati: diffirenzi ci sunnu e ci vannu a èssiri sempri, e è ntô funnamentu midèsimu dâ scenza muderna evitari d'assùmiri valuri assuluti comu aternamenti nun mudificàbbili. E' parò pussìbbuli, e anzi prifirìbbuli, rifirìrisi a na razziunali disàmina di l'argumenti trattati, di modu ca li cuncetti risurtanti ponnu èssiri assumuti di tutti li littura comu uggittiva basi di cunziddirazzioni, comu cumuni affidàbbili spuntu gnoseològgicu.

Wikipedìa nun assumi pirtantu arcuna pusizzioni d'avaddu o di ricusazzioni, nudda idìa è privalenti siddu nun, pi scintìficu raggiunamentu, havi a rivilàrisi effittivamenti prifirìbbuli â luci d'uggittivi e ubbittivi cunziddirazzioni ginirali.

Nun usati pirciò stu spazziu pi sprìmiri pusizzioni pirsunali (ideològgichi, pulìtichi, filusòfichi, riliggiusi, di mera partiggianirìa o... tifusirìa), sia pirchì vinìssiru 'n brevi tempu sustituiuti o cancillati d'àutri utenti, sia pirchì li stissi Amministratura di sistema putìssiru ricùrriri a spiacèvuli rimedi prutittivi. Circamu pirciò di miritari la libbirtà ca si cuncedi di prisintari argumenti dî quali addisiamu cunzèntiri l'apprufunnimentu, usannu ô megghiu la nostra abbilità dialèttica.

Spissu n'asempiu vali cchiù di milli paroli, pirciò nni jamu a fari dui:

N'artìculu nun havi a cuntèniri mai sprissioni tipu: "sta fazzioni pulìtica è criminali", mancu siddu l'auturi di l'artìculu è effittivamenti pirsuasu ca la rialità è chidda discritta. Nu bonu Wikipidianu va a prisintari mmeci li diversi pinioni 'n cuntrastu, signalannu lialmenti li raggiuni dî sustinitura e chiddi di l'uppusitura (ntô casu chidda dî veri e propi antagunisti).
N'artìculu nun va a cuntari mai judizzi pirintori oltrichì ginirali di lu tipu: "lu capitalismu è lu mali dû nostru tempu" pirchì, nnipinnentimenti di comu na pirsuna penza e di quantu cunzenzu riteni di putiri cògghiri attornu a iddu;, 'n Wikipedìa accittamu sulu artìculi ca seriamenti, uggittivamenti e lialmenti discrìvinu li situazzioni ca la storia ni lassau, li situazzioni attuali e li pusizzioni d'ogniduna dî parti attivamenti o passivamenti ntirissati o cuimmurciuti.

N'Enciclopedìa s'usa e si scrivi p'ampliari la propia canuscenza, nun pi discùtiri dî propi pinioni pirsunali: pirchissu ci sunnu li forum (accussì comu chistu: Yahoo! Gruppi: Linguasiciliana) e li siti ueb pirsunali (ndicamu videmma ca chiddi rializzàbbili gratuitamenti hannu ccillenti carattirìstichi tècnichi, uttimali pâ sô evintuali juncibbilità;).

Pi supirari l'ovviu cuimmurcimentu, ca naturarmenti nun jamu a putiri mai tralassari tutarmenti, discrivemu nu fattu secunnu "zoccu si nni penza", cchiuttostu ca secunnu "zocch'è". E' na piccidda diffirenza forsi, rispettu ô cumuni parrari, ma nu granni accanzu pi tutti.

Tutti li Wikipedia nta tutti i lingui ca ci sunu anu na reggula fundamintali quannu li edituri (ca nun v'ata mai a scurdari ca su pirsuni veri se si escludunu li "bot") scrivunu o editanu li articuli, avissuru a utilizzari nu "Puntu di vista Niutrali" o NPOV picchini nta lingua angrisi l'acronimu eni chissu ppi "Neutral Point of view".
NPOV significa ca li pirsuni avissiru a scriviri di cosi supra cui a maggiuritati di li genti supra stu pianeta eni d'accordu, e farini lu puntu guida principali di l'articulu.

Quannu n'articulu eni editatu da nu munzieddu di pirsuni, giniralmenti rifletti robba supra a quali a maggiuritati di la genti si trova d'accordu.
Chissu eni ciamatu cunsenzu.
Li cosi supra ei quali a genti nun eni d'accordu e di cui si sciarrianu avissiru macari a ssiri minziunati.
Ma nun avissiru a ssiri lu puntu principali di l'articulu.
Li quistioni maggiuri o li dibbattiti ana ssiri scritti nta na manera ca nun favurisci nissuna di li parti nta na manèra particulari ividenti.
Upiniuna strani o rari ponu ssiri macari assiriti assuciannu macari li argumenta di parti cu li dittagli di chidi ca li dìciunu e/o scrìvunu.
Si su truoppu, ma truoppu strani , allura ponu siri rimossa di l'amministratura.

NPOV nun arrisovvi (purtroppu!) tutti li probblema. P'a isempiu a maggiuritati di li cosi nta cui criri a gghienti eni sbagghiata: "ssiri d'accordu" nun eni ô veru.

Li fatta anu a ssiri cuntrullata.
Gghienti unesta nun eni d'accordu supra a argumenti assai cumplessa.
P'a isempiu lu termini d'a wikipedia angrisi "epistemology" nun eni propriu a stissa identica cosa di lu termini d'a wikipedia italiana "epistemologia" picchini nta chiddu angrisi lu termini veni utilizzatu comu sinonimu di gnoseologgia o tiurìa di la canuscenza, aa disciplina ca s'occupa di lu studiu di la canuscenza in ginirali.

Lu puntu di vista di n'utilitaturi da a wikipedia siciliana e l'idea di "niutrali" nun eni sempri a stissa di nu cuntribbuenti dâ wikipedia siciliana.
Ma a maggiuritati di li casi su semplici.

Scempri di casi di disaccordu

Pâ isempiu, si du pirsuni stanu parrannu di nu re ciamatu Marcu (non nu "re riali", ma faciemu finta), putissi macari siri ca nun sunu d'accordu su nu munzieddu di cosa. Na pirsuna putissi diri: "Marcu fu a causa di na verra tra dui paisi", ma l'autra pirsuna putissi diri: "Marcu circau di ivitari a verra tra li dui paisi."
Na pirsuna putissi diri: "Marcu era nu re bonu", e l'autru putissi diri "Marcu era nu re tintu."

Ma intrambi li pirsuna putissiru mintirisi d'accordu su nu munzieddu di fatta supra a Marcu, pa isempiu: Marcu era iautu 175 cintimitra. Marcu nasciu nta lu 1630 e morsi nta lu 1699. Lu patri di Marcu era ciamatu e sa matri era ciamata Claudia. Lu paisi di Marcu cumbattiu na verra di lu 1670 a lu 1675, ecc. Siccomu quasi tutta su d'accordu ca sti cosi su veri, allura si ciamanu "punta di vista niutrali" e vabbeni comu lu puntu principali di l'articulu.