Regau

Sta pàggina è òrfana, zzuè nun àvi lijami a tràsiri.

Pi favuri, agghiunci na lijami a sta pàggina e scancella st'abbisu.
Pâ lista cumpleta dî pàggini òrfani, vidi a pàggina dâ catigurìa.

Regau è nu cumuni di 6.000 abbitanti di l'Àustria Àuta (Austria). Cullucata intra ê diretti vicinanzi di Vöcklabruck, cu 6.000 abbitanti e di chissi 700 sunnu veri risidenti ntô stissu villàggiu.

Pupulazzioni e Giografìa

Lu cunfini nord di Regau è dilimitatu dô ciumi Ager. Mpurtanti è macari lu Baggersee, nu lacu artificiali, assai friquintatu ntâ stati di cui fà comu sport lu natari, o àutri sport. Nun luntanu è misu lu stàdiu di football di Regau, ca veni usatu di l'Union Regau, lu cchiù mpurtanti club spurtivu dû cumuni.

Lu Cumuni è cumpostu di 36 villaggi cchiù nichi e tra chisti lu cchiù granni è Schalchham, cu chiossai di 1000 abbitanti. Pô restu, l'àutri villaggi cchiù mpurtanti sù Regau, Rutzenmoos (nu distrettu nicu unni la cchiù granni parti dî cristiani sù prutistanti), Wankham, e lu Lixlau.

L'ària di Regau pô 53,5% servi pi l'agricultura, mentri n'àutru 30% è commigghiata dî voschi.

Storia

Regau fu muntuata pâ prima vota nta n'attu di l'800 d.C., chiossai di 1200 anni fa. A ddu tèmpura, Regau era sedi dî Conti di Rebegau (nfatti lu nomu Regau è na cuntrazzioni di Rebegau). Si penza ca lu casteddu d'iddi, fussi misu vicinu ô villàggiu di Burgstall, (traduciutu: stadda dû forti), ca ancora oggi asisti.

La palora Regau veni dû latinu Repagauve; cchiù tardu, addivintau Rebengau n tudiscu. Cû tempu, stu nomu s'accurzau e oi lu nomu dû cumuni è Regau. Li sò noma addimùstranu comu Regau na vota era famusa pi la pruduzzioni di racina di vinu.

Nzinu di lu dudicèsimu sèculu Regau fici parti dû Ducatu d'Austria, mentri ca prima appartinìa a la Baviera. Dô 1490 Regau passau ô principatu custituitu di l'Austria pusizziunata cchiù supra di l'Enns, oggi ditta Austria Àuta, ca dô 1918 Regau nni fà parti.

Dô 28 di giugnu 1981, Regau havi nu stemma. Ntô 2000 lu cumuni veni elivatu a mircatu, n'àutru tipu di municipalità, nzemi a lu villaggiu e a la cità.

Cultura e lochi di visitari

A Rutzenmoos s'attrova lu Museu prutistanti di l'Austria Àuta. A Regau s'attròvanu assai assuciazzioni tradizziunali cumu:

La guardia civili di Regau
La Banna di la guardia civili di Regau
Nu gruppu di Goldhauben

e na sucità pi la cultura cuntimpurrània, ditta Treffpunkt Kulturverein Regau.

Tri crèsii famusi di Regau sù San Petru nnô centru di Regau, nu difìciu n stili gòticu, San Vitus ntî la Regau Supiriuri, e la cràsia dî prutestanti di Rutzenmoos

Regau è noltri cullicata a lu Caminu di Santiagu di Compostela.

Lijami di fora

(pi tudiscu)