San Macariu di Cullisanu

San Macariu Abati di Cullisanu ( Cullisanu  ? - Ulivetu Citra 20 di dicèmmiru 1005) fu un Santu talianu.

San Macariu na l’edicula in Piazza Plebiscitu a Collesanu (PA) 11/12/2005

Aggiografìa

Lu sò nomu significa “filici “ e nascìu a Cullisanu (PA ); sò patri e sò matri, Cristoforu e Kalì e sò frati Saba, addivintaru tutti Santi. Abitaru a Aggira (EN) unni fìciru na Crèsia a San Micheli Arcancilu. Spinciuti da caristìa, forsi di na epidimìa e dâ pirsicuzioni, si nni jeru a Missina e appoi lassaru la Sicilia pi irisinni a Lagunivuru (PZ).
Ccà funnaru un Munasteru e San Saba addivintau Abati. Quannu murìu Saba, Macariu fu a guida di tanti Munasteri comu chiddu di Santu Stefanu, vicinu a Lainu Casteddu (CS) e di San Laurenzu supra Sinni, vicinu a Episcopia (PZ). Pari ca si stabbilìu ni nu paisi dâ pruvincia di Salernu ca oj si chiama Ulivetu Citra, unni murìu murìu a lu 20 di dicèmmiru dû 1005.

Li Riliquî

Li riliquî sù sarvati nnô bustu d’argentu nnâ Crèsia Matrici di Ulivetu Citra.
Nnô 1985 foru cullucati nnâ facciata dâ Crèsia Matrici di Cullisanu du' busti di brunzu, (òpira di Petru Giambelluca di Isnellu) di Santi Saba e Macariu.
Dû 26 ô 27 Maju 2004, lu bustu d'argentu fu purtatu a Cullisanu. Na cappidduzza ntitulata ô Santu fu naugurata a Cullisanu l’11 di dicèmmiru 2005.
La festa è lu 24 di maju, jornu dâ traslazzioni dî sò Riliquii dâ Crèsia di San Petru a chidda di S.Maria dû Paraddisu.

Liami:https://web.archive.org/web/20100706233351/http://www.sanpietrocollesano.it/San%20Macario/San%20Macario.htm