Sara Cappellu
Sara Cappellu (o Sara Cappello n talianu) è na cantautrici siciliana di Palermu.
Biografìa
canciaC’era na vota na picciridda siciliana, di nomu Sara Cappellu, a cui cuntàvanu cunti antichi e cantàvanu ninna nanni dilicati ntâ lingua di la sò terra. Accussì nascìu la sò granni passioni pi la mùsica pupulari siciliana.
Scuprìu lu granni patrimoniu anticu, cunzirvatu nta libbra vecchi, di cui tirava puisìi 'n sicilianu ca idda jinchìa di mùsica: sònura e palori scurdati, c'àppiru na vita nova: lu patrimoniu pupulari (ca s'havi a mantèniri, canùsciri, sarvaguardari, rispittari e sustèniri, pi putiri trasmittìrilu a li nostri figghi) idda l'usava a modu sò utilizzannu sònura vecchi e novi, e puru nvintànnunni àutri.
Addivintau na granni cantautrici siciliana, apprizzata dî granni e dî nichi. Li sò cuncerti particulari cùntanu liggenni, sacralitati, sirinati, ninna nanni, e stori d’amuri.
Ricentimenti, Sara Cappellu havi mannatu n'appellu a li amministratura, liggislatura, discugràfici, artisti, e a cu è gghiè ca ama e voli rispittari lu travagghiu di tutti chiddi ca travàgghianu ntâ mùsica ètnica (chidda 'n sicilianu). Secunnu a Sara, è puru la mùsica ètnica ca priserva a sò modu l'idintitati riggiunali, lu senzu d'appartinenza â terra. P'idda, la mùsica pupulari mèrita rispettu e attinzioni pi putiri cuntinuari a campari, enirggìi e passioni pi putiri èssiri pruposta, e l'artisti pupulari abbisògnanu di sustegnu.
Sara Cappellu è macari l'autrici dî mùsichi e arrinesci a dari â propia mùsica na mudirnitati ca poti avvicinàrila macari a li jòvini ca vonnu riscupriri li propi ràdichi.
Discugrafìa
cancia- Vurria sapiri unn'abiti a lu nvernu - (1996)