Lu Maistru e Margarita

Lu Maestru e Margherita (Мастер и Маргарита) è nu romanzu scrittu di Michail Bulgakov, costruìtu supra l'idea di na visita dû Diavulu nta n'aggitata Unioni Sovietica. Tanti critichi dìciunu ca st'opera è unu dê cchiù mputtanti romanzi russi dû Ventesimu Sèculu, e macari nu libbru c'un fotti cuntinùtu satìricu versu la mmobili situazzioni dâ società sovietica.

Redazzioni e pubblicazzioni

Bulgakov accuminciàu a scriviri lu romanzu ntô 1928, ma la prima virsioni fu distrutta (comu addichiarau l'auturi stissu, finìu abbruciata nta na stufa) ntô marzu dû 1930, quannu nfurmànu a Bulgakov ca la sò opera avrìa jutu ncontru â censura pê sò cuntinuti cabbalìstichi (Кабала святош). Bulgakov ripigghiàu lu travagghiu supra lu libbru ntô 1931, purtannu a cumpimentu d'accussì la sicunna redazzioni, la trama d'a quali era ggià difinita e sumigghianti a chidda di l'ultima virsioni, ntô 1936. La terza scrittura di l'opera fu tirminata ntô 1937, ma Bulgakov cuntinuàu a rituccalla e a "pulizziàlla" cu l'assistenza di sò muggheri. Lu scritturi finìu di travagghiari supra â quarta redazzioni sulu quattru simàni prima dâ sò morti, ntô 1940, e d'accussì Lu Maestru e Margherita fu tirminatu dâ muggheri ntô 1941.

Ntê nnùmira 11, 1966 e 1, 1967 dû ggiurnali Moskva cumparìu na virsioni censurata dû romanzu